Swivangelo Swo Va Ni Ntshembo Hi 2023—Xana Bibele Yi Ri Yini Hi Mhaka Leyi?

Leswi lembe ra 2023 ri sungulaka, hinkwerhu hi ni ntshembo wa leswaku hina swin’we ni mindyangu ya hina swilo swi ta hi fambela kahle. Hikwalahokayini hi ri ni ntshembo?

Bibele yi hi nyika ntshembo

Bibele yi hlamusela mahungu yo tsakisa ya leswaku swiphiqo leswi hi langutanaka na swona sweswi i swa xinkarhna naswona ku nga ri khale swi ta hela. Kahlekahle, Bibele yi “tsaleriwe ku letela hina, leswaku hi ta va ni ntshembo hikwalaho. . . ka nchavelelo lowu humaka eMatsalweni.”—Varhoma 15:4.

• Leswaku u dyondza leswi engetelekeke mayelana ni leswi Bibele yi swi tshembisaka, hlaya nhlokomhaka leyi nge “A Real Hope for a Better Tomorrow.”

Ntshembo lowu nga ta ku pfuna sweswi

Ntshembo lowu nga eBibeleni wu nga fanisiwa ni “nsoma wa vutomi bya hina.” (Vaheveru 6:19, nhlamuselo ya le hansi) Ntshembo wolowo wu nga hi tiyisa. Wu nga hi pfuna ku tiyiselela swiphiqo leswi hi langutanaka na swona, ku va ni langutelo lerinene ni ku va ni ntsako lowu nga ta tshama nkarhi wo leha. Hi xikombiso:

• Vona ndlela leyi hayona ntshembo lowu nga eBibeleni wu pfuneke wanuna loyi a a godzomberiwile. Hlalela vhidiyo leyi nge, A Ndzi Lava Ku Cinca Vutomi Bya Mina.

• Vona ndlela leyi ntshembo lowu nga eBibeleni wu nga hi pfunaka hayona loko hi feriwa hi loyi hi n’wi rhandzaka. Hlalela vhidiyo leyi nge, Nchavelelo Eka Lava Rilaka.

Tiyisa ntshembo wa wena

Vanhu vo tala va ni ntshembo wa leswaku swilo swi ta va fambela kahle, kambe a va tiyiseki leswaku sweswo swi ta endleka. Kambe leswi Bibele yi swi tshembisaka swi hambanile. Hikwalahokayini? Hikuva switshembiso leswi nga eBibeleni swi huma eka Yehovha Xikwembua “lexi nga hembiki.” (Tito 1:2) I Yehovha ntsena loyi a nga ni matimba yo endla leswi a swi tshembisaka; a nga endla “hinkwaswo leswi a swi lavaka.”—Pisalema 135:5, 6.

Ha ku rhamba leswaku u vuyeriwa hi ntshembo wa ntiyiso lowu nga eBibeleni. U nga yi tshemba swinene hi ku kambisisa Matsalwa hi vukheta. (Mitirho 17:11) Tivonele hi wexe hi ku ringeta dyondzo ya hina ya mahala ya Bibele. Sungula 2023 u ri ni ntshembo!