B1
Leswi Bibele Yi Vulavulaka Ha Swona
Yehovha Xikwembu u ni mfanelo yo fuma. U fuma hi ndlela leyinene. Xikongomelo xa yena hi misava ni hi vanhu xi ta endleka.
Endzhaku ka 4026 B.C.E. “Nyoka” yi sole mfanelo ya Yehovha yo fuma ni mafumelo yakwe. Yehovha u tshembise ku tisa “n’wana” kumbe “mbewu,” leyi a yi ta faya nyoka, ku nga Sathana. (Genesa 3:1-5, 15, nhlamuselo ya le hansi) Hambiswiritano, Yehovha u nyike vanhu nkarhi wo tifuma va ri karhi va kuceteriwa hi nyoka. |
1943 B.C.E. Yehovha a byela Abrahama leswaku n’wana loyi a tshembisiweke u ta va un’wana wa “vana” va yena.—Genesa 22:18. |
Endzhaku ka 1070 B.C.E. Yehovha a tshembisa Hosi Davhida ivi endzhakunyana a byela n’wana wakwe Solomoni leswaku “n’wana” loyi a tshembisiweke u ta huma endyangwini wa vona.—2 Samuwele 7:12, 16; 1 Tihosi 9:3-5; Esaya 9:6, 7. |
29 C.E. Yehovha a kombisa leswaku Yesu i “n’wana” loyi a tshembisiweke naswona u ta va Mudyandzhaka wa vuhosi bya Davhida.—Vagalatiya 3:16; Luka 1:31-33; 3:21, 22. |
33 C.E. Nyoka, ku nga Sathana, yi endla leswaku “n’wana” loyi a tshembisiweke, ku nga Yesu a dlayiwa. Yehovha a pfuxa Yesu leswaku a ya hanya etilweni a tlhela a amukela vutomi bya Yesu lebyi hetisekeke, hi ndlela yoleyo a endla leswaku swi koteka leswaku vanhu va rivaleriwa swidyoho ni ku nyika vatukulu va Adamu vutomi lebyi nga heriki.—Genesa 3:15; Mitirho 2:32-36; 1 Vakorinto 15:21, 22. |
Kwalomu ka 1914 C.E. Yesu a cukumetela nyoka, ku nga Sathana, emisaveni swa xinkarhana.—Nhlavutelo 12:7-9, 12. |
Enkarhini lowu taka Yesu u ta pfalela Sathana ku ringana malembe ya 1 000 endzhaku ka sweswo u ta n’wi lovisa, leswi fanekiseriwaka hi ku n’wi phyandlasa nhloko. Xikongomelo xo sungula xa Yehovha hi misava ni hi vanhu xi ta hetiseka, vito ra yena ri ta kwetsimisiwa naswona swi ta va erivaleni leswaku mafumelo yakwe i manene.—Nhlavutelo 20:1-3, 10; 21:3, 4. |