Munhu U Kopa Eka Ndlela Leyi Muvumbi A Vumbeke Ha Yona

Xana swi ta njhani leswaku glopu leyo vevuka ku fana ni phepha yi nga fayeki loko yi chovhiwa kumbe yi kuruferiwa laha yi nga ta voninga yi ri kona? Hi ku ya hi buku leyi nge How in the World?, nhlamulo ya kona yi kumeka eka xivumbeko xa glopu, lexi kopiweke eka “xivumbeko xa tandza.” Hambileswi xikhambasi xa tandza xi vevukaka swinene, kambe matandza a ma fayeki loko xinyenyana lexa mbhaha xi ma fukamela. Leswi swi endliwa hileswi tandza ri nga fayekiki hi ku olova hikwalaho ka xivumbeko xa rona. (Swikhambasi swo bumbula swi nga ha endla leswaku swi tika swinene leswaku xiciwana xi tlhotlhorha.) Hi ku ya hi ndlela leyi Muvumbi a vumbeke ha yona, tiglopu ti ni xivumbeko xa xirhendzevutana lexi endlaka leswaku loko u ti khoma, “ti nga tikeriwi tlhelo rin’we kutani ti fayeka.” Xisweswo, hilaha ku fanaka ni tandza a ku na laha ku yaka ntiko hi ku kongoma, hikwalaho glopu a yi fayeki. Munhu u dyondze swo tala hi ku kambisisa ntumbuluko!