Tandza Ra Huku

Xana Ri Lo Endliwa?

● Tandza ra huku i khale ri vitaniwa “xibya xa singita.” Ha yini?

Xiya: Ri nga ha tikomba ri tiyile, kambe xiphambati xa tandza ra huku xi ni khalisiyamu leyi fuweke naswona ri ni swimbhovana swa kwalomu ka 8 000. Swimbhovana sweswo swi nghenisa moya wa okisijini swi tlhela swi humesa khaboni-dayokisayidi—sweswo i swa nkoka hikuva swi endla leswaku xitumbulukwa xi hefemula. Xiphambati ni minkuva yin’wana yo hlayanyana swi sivela tandza leswaku ri nga ngheniwi hi switsongwatsongwana. Phrotheyini leyi vuriwaka Albumen—leyi nga ni mati yo tala—yi endla leswaku tandza ri nga hatli ri fayeka loko ri langutane ni swiyimo swo hambana-hambana.

Valavisisi va swi lava ku tekelela ndlela leyi tandza ri nga endliwa ha yona leswaku va endla swilo leswi nga ta endla leswaku mihandzu yi nga ngheniwi hi switsongwatsongwana. Eka magazini lowu vuriwaka Vivai, Marianne Botta Diener u te: “A swi olovi ku tekelela ntumbuluko.” U tlhele a vula leswaku swilo leswi va kotaka ku swi tekelela hakanyingi swi onha mbango.

U anakanya yini? Xana “xibya xa singita,” lexi ku nga tandza ra huku xi lo tiendlekela kumbe xi lo endliwa?

[Dayagramu leyi nga eka tluka 28]

(Leswaku u vona rungula leri hleriweke hi ku helela, vona nkandziyiso wa kona)

ENDZENI KA TANDZA

Xiphambati

Ntsutsu

Chalaza (nchumu lowu sirhelelaka ntsutsu)

Nkuva wa le handle

Nkuva wa le ndzeni

Germinal disc (laha xitumbulukwa xi sungulaka kona)

Albumen yo lala

Albumen yo bumbula

Ndhawu leyi nga ni moya