Xana N’wana Wa Wena U Tirhisa Internet?

TIMILIYONI ta vantshwa loko to tshuka ti pfulekeriwa hi nkarhi, ti tshama ti ri eka Internet kun’wana ni kun’wana laha ti nga kona, ku nga ha va ku ri ekaya, exikolweni, ekaya ka vanghana va vona kumbe eka selfoni. Loko u ri mutswari u langutane ni mhaka ya nkoka: Vana va wena va tiva Internet ku ku tlula, naswona va tiva ni leswi va faneleke ku swi endla leswaku wena u nga swi voni leswi va nga eku swi endleni eka Internet.

Xana leswi swi fanele swi ku karhata? Ina. Xana xiyimo lexi a xi nge he tlhantlheki? Doo! Hambileswi eka wena Internet yi nga vaka nchumu lowu rharhanganeke, u nga swi kota ku dyondza swo karhi leswi yi nga na swona. Naswona a swi lavi u kala u va ni vutshila eka swilo swa elektroniki leswaku u ta sirhelela n’wana wa wena.

Swihloko leswi swa nxaxamelo swi ta ku pfuna leswaku u tiva swo karhi hi Internet. A hi rhangeni hi ku kambisisa makhombo lawa n’wana wa wena a nga langutanaka na wona loko a tirhisa Internet.

[Marito lama tshahiweke exihlokweni lama nga eka tluka 3]

Le Canada kwalomu ka hafu ya vantshwa lava nga ni tiselfoni va swi kota ku nghena eka Internet