Ripapa Ra Xipereta Xana Ri Lo Endliwa?

● Swipereta swin’wana swi nga kota ku yima emoyeni ku ringana tisekoni ta 30 handle ko wela ehansi. Swi swi kotisa ku yini ku endla tano? Swi ni ripapa leri akekeke kahle leri nga faniki ni ra timpapa hinkwato ta swihaha-mpfhuka leswi tshameke swi endliwa!

Xiya: Ripapa ro vevuka swinene ra xipereta ri ni tipiliti leti endlaka leswaku ri nga petseki. Van’wasayense va kume leswaku tipiliti teto ti tlhela ti endla leswaku xipereta xi tlakuka swinene loko xi ri karhi xi haha. Magazini wa New Scientist wu ri: “Leswi swi vangiwa hileswi moya lowu rhendzelekaka eka timbhovo leti nga exikarhi ka tipiliti wu endlaka leswaku timpapa ti nga kavateli hi ku hatlisa xisweswo moya wolowo wu tlakusa timpapa ta xona.”

Endzhaku ko kambisisa ripapa ra xipereta, munjhiniyara wa swilo leswi fambaka empfhukeni Abel Vargas, swin’we ni vanghana vakwe va gimete hileswaku “timpapa leti endliweke hi ku kopa swivumbiwa swa ntumbuluko ti pfuna swinene loko ku endliwa swimovhana leswitsongo leswi hahaka.” Swimovhana sweswo leswi nga ni khamera kumbe xitirhisiwa xin’wana, leswi ringanaka ni voko ra munhu, swi tirhiseriwa mintirho yo hlayanyana ya nkoka leyi katsaka ku kumisisa rungula etindhawini leti ku humeleleke mhangu ni ku kambela leswaku moya lowu nga exibakabakeni wu thyake ku fikela kwihi.

U anakanya yini? Xana ripapa ra xipereta leri oloveke swinene ri tlhela ri va ni tipiliti ri lo tiendlekela kumbe ri lo endliwa?

[Xifaniso lexi nga eka tluka 25]

Ximovhana xa xipereta lexi hahaka xi tika timiligiramu ta 120, xi lehe tisentimitara ta tsevu naswona xi ni timpapa to vevuka ta silikhoni leti kavatelaka loko xi tirhisa gezi

[Xihlovo Xa Kona]

© Philippe Psaila/Photo Researchers, Inc.