“Xiphiqo Lexikulu Xa Ku Nga Tshembani”

Le Afrika Vupela-dyambu, mufana wa malembe ya 12 u etlele exibedlhele hileswi a nyikiweke maphilisi lama nga riki ya malariya, lawa mana wakwe a ma xaveke ekhemisi. Dokodela u te: “Ku ringana malembe ya 15 a hi tshamela ku kuma mirhi leyi nga riki yona etikhampanini leti endlaka mirhi.”a

Le Asia, vatswari va ricece ra mufana lera ha ku velekiwaka va tsemeke nhlana loko va kume leswaku ntswamba wa rona lowu a ku vuriwa leswaku i wunene wu ni swiaki leswi nga ni khombo. Lexi twisaka ku vava hileswaku ricece rero ri file.

N’wamabindzu wa Muamerika la tshembiwaka ngopfu u kanganyise tikhasitama takwe tidolara leti nga endlaka tibiliyoni! Magidi ya tona ti kume leswaku mali ya tona ya mudende yi lovile naswona xiendlakalo xexo xi vitaniwe “vukanganyisi lebyikulu emisaveni.”

EMISAVENI ya namuntlha, vanhu vo tala va tshame va kanganyisiwa evuton’wini bya vona. Hambi ku ri ku hohloka ka ikhonomi ku vangiwa ngopfu hi leswi phepha-hungu ra Le Monde ra le Furwa ri swi vitaneke “xiphiqo lexikulu xa ku nga tshembani.”

Hi swihi swilo leswi hoxeke xandla eka ‘xiphiqo xa ku nga tshembani’ lexi nga kona namuntlha? Xana u kona munhu loyi u nga n’wi tshembaka?

[Nhlamuselo ya le hansi]