Buku Ya Khale Leyi Pfunaka Ninamuntlha
Vanhu vo tala va swi tiva leswaku Bibele i buku yo kwetsima kambe Bibele a yo va buku yo kwetsima ntsena leyi hi dyondzisaka ndlela yo gandzela Xikwembu, yi ni switsundzuxo leswi nga hi pfunaka evuton’wini.
Hi xikombiso, xiya ndlela leyi van’wana va vuyeriweke ha yona hi ku hlaya Bibele ni ku tirhisa switsundzuxo swa yona.
“Ndzi cince ndlela leyi a ndzi endla swilo ha yona. Sweswi ndzi tshama ndzi tsakile, se ndzi hanya vutomi bya kahle.”—Fiona.
“Ku dyondza Bibele swi ndzi pfune leswaku ndzi hanya vutomi lebyi nga ni xikongomelo.”—Gnitko.
“Vutomi bya mina byi cince hi ndlela yo hlamarisa. Sweswi ndzi ni nkarhi wo tala wo va ni ndyangu wa mina.”—Andrew.
Ku ni swikombiso swo tala swo fana ni leswi. Vanhu vo tala emisaveni hinkwayo va kume leswaku loko va tirhisa switsundzuxo swa le Bibeleni swa va pfuna eka vutomi bya siku.
A hi kambisiseni ndlela leyi Bibele yi nga va pfunaka ha yona vanhu loko swi ta eka . . .
Rihanyo lerinene
Mahanyelo lamanene
Ku hanyisana kahle ni vandyangu ni vanghana
Ndlela yo tirhisa mali hi vutlhari
Vuxaka lebyinene ni Xikwembu
Swihloko leswi landzelaka swi ta kombisa leswaku Bibele i buku leyi humaka eka Xikwembu naswona yi nga hi pfuna evuton’wini.