I mani la ku vumbeke?

1 Xikwembu xi endle matilo ni misava.—Genesa 1:1

2 Xikwembu xi ni vito. Vito ra xona i Yehovha.—Pisalema 83:18

Yehovha u tshama etilweni. I moya. U nge koti ku n’wi vona.—Esaya 66:1; Yohane 1:18; 4:24

3 Yehovha Xikwembu u endle tintsumi to tala etilweni. Na tona i mimoya. Hinkwato a ti lulamile. Khale a ti swi kota ku tihundzula vanhu va nyama minkarhi yin’wana leswaku vanhu va kota ku ti vona.—Vaheveru 1:7

4 Yehovha u endle swiharhi khale, a nga si endla munhu.—Genesa 1:25

5 Nakambe Yehovha u endle wanuna loyi a thyiweke Adamu ni nsati wakwe loyi a thyiweke Evha.—Genesa 1:27

Xikwembu xi va veke entangeni wo saseka, kumbe eparadeyisini. Xi endlele Adamu nsati wun’we ntsena. Wanuna a fanele ku tshama ni nsati wa yena wun’we.—Genesa 2:8, 21, 22, 24

6 Munhu i moya-xiviri.—Genesa 2:7

7 Swiharhi i mimoya-xiviri.—Pisalema 74:19