Risimu 53

Ku Kula Ka Mfumo Wa Le Tilweni

(Esaya 9:6, 7)

1. Khensa ku kula ka Mfumo wa Hosi!

Sweswi ku kula ka hlamarisa.

Lava fambaka ’ku vonakaleni,

Sweswi va khensa Yehovha ntsena.

Khale a hi nga ri vanhu vo tala

Loko ntiyiso wu ta na Yesu.

Sweswi Xikwembu se xi dzunisiwa

Hi ntshungu swin’we ni masalela.

2. Yesu u tshame exiluvelweni;

Vanhu hinkwavo va ta ka yena.

U ta tiyisa Mfumo wa Xikwembu,

Ni ku herisa valala vakwe.

I Mutsundzuxi ni Muhlamarisi

Naswona i Hosi ya ku rhula.

Ku hisekela ka yena Yehovha

Ku ta kurisa ku fuma kakwe.

3. Vona lunghelo ra hina ro hanya!

Xana a wu tsaki hi ku kula?

Tsaka na wena hi ku hoxa xandla,

Ni le ntirhweni wo chumayela.

Lava hehlaka Yehovha va byele,

Armagedoni yi le kusuhi.

Yana ’mahlweni u yisa Mahungu

’Ka vanhu vo rhula ni va musa.