Rindza Siku Ra Yehovha Hi Ntsako

Yehovha u tirhise vaprofeta vakwe leswaku va lemukisa hi leswi nga ta endleka enkarhini lowu taka loko a chulula vukarhi byakwe. Kambe a hi fanelanga hi anakanya leswaku Yehovha i Xikwembu lexi tshamaka xi hlundzukile. U ‘tsakela vanhu vakwe hi ku huwelela ka ku tsaka.’ Loko hi ri karhi hi langutele siku ra yena lerikulu, hi ni swivangelo hinkwaswo swo ‘tsaka, hi khana hi mbilu hinkwayo.’ (Sofaniya 3:14, 17) Xana u nga ku kombisa njhani ku tsaka ka wena hi swiendlo ni hi mahanyelo ya wena? Naswona ha yini swi fanele swi ku tsakisa leswi u swi hlayeke eka tibuku leti ta 12 ta vuprofeta?