Xiyenge 2

Ku Kula

Xana ndlela leyi miri wa wena wu kulaka ha yona ya ku vilerisa?

□ Ina □ Doo!

Xana ku cinca ka swirho swo karhi emirini swi ku endla u titwa onge hi wena ntsena u humeleriwaka hi swilo leswi, u pfilunganyekile kumbe u chava?

□ Ina □ Doo!

Xana u heta nkarhi wo leha u ri karhi u anakanya hi mufana kumbe hi nhwanyana wo karhi?

□ Ina □ Doo!

Loko nhlamulo ya wena yi ri “ina” eka xin’wana xa swivutiso leswi nga laha henhla, u nga karhateki—swoleswo a swi vuli leswaku wa vabya. Mhaka hi leswaku ku kula ka swirho swa miri wa wena ni ndlela leyi u titwaka ha yona loko u sungula ku kula, swi nga endla leswaku minkarhi yin’wana u titwa u tsakile kumbe u tshikilelekile ni ku titwa hi tindlela tin’wana. A swi kanakanisi leswaku a wu swi langutele hi mahlo-ngati ku va munhu lonkulu, kambe swi nga ku chavisa ku vona leswaku se wa kula! Tindzima 6-8 ti ta ku pfuna leswaku u twisisa ku cinca loku.

[Xifaniso lexi tataka tluka hinkwaro lexi nga eka tluka 56, 57]