XIYENGE

A Ku Ri Mani Yesu?

Yehovha u rhumele Yesu emisaveni. 1 Yohane 4:9

Yesu a ri evokweni ra xinene ra Xikwembu etilweni

Loko hi lava ku tsakisa Yehovha, ku ni munhu un’wana wa nkoka loyi hi faneleke hi n’wi yingisa. Loko Yehovha a nga si vumba Adamu, u sungule hi ku vumba xivumbiwa xa matimba xa moya ematilweni.

Mariya loko a ha tikile ni loko se Yesu a velekiwile

Hi ku famba ka nkarhi, Yehovha u endle leswaku xivumbiwa lexi xi velekiwa eBetlehema hi wanhwana la vitaniwaka Mariya. N’wana yoloye u thyiwe vito leri nge Yesu.—Yohane 6:38.

Yesu a ri karhi a dyondzisa van’wana hi Yehovha

Loko Yesu a ri laha misaveni u kombise vumunhu bya Xikwembu hi ndlela leyi hetisekeke. A a ri ni musa, rirhandzu naswona a a ngheneka. Handle ko chava, u dyondzise vanhu ntiyiso hi Yehovha.

Yesu a a endla leswinene kambe a a vengiwa. 1 Petro 2:21-24

Yesu a pfuxa xinhwanyetana eku feni a tlhela a horisa wanuna loyi a a vabya

Yesu u tlhele a hanyisa vanhu lava vabyaka ni ku pfuxa vanhu van’wana lava a va file.

Varhangeri va vukhongeri a va venga Yesu hikwalaho ka leswi a paluxeke tidyondzo ta vona ta mavunwa ni tindlela ta vona to biha.

Varhangeri va vukhongeri va kucetele Varhoma leswaku va ba Yesu va tlhela va n’wi dlaya.