Xingheniso Xa Xiyenge 12

Yesu u dyondzise vanhu hi Mfumo wa le matilweni. U tlhele a va dyondzisa ku khongelela leswaku vito ra Xikwembu ri kwetsimisiwa, Mfumo wa xona wu ta ni leswaku ku rhandza ka xona ku endleka emisaveni. Loko u ri mutswari, hlamusela n’wana wa wena leswi xikhongelo lexi xi vulaka swona eka hina. Yesu a nga pfumelanga leswaku Sathana a n’wi endla a nga ha tshembeki eka Xikwembu. Yesu u hlawule vaapostola vakwe naswona va ve swirho swo sungula swa Mfumo. Xiya ndlela leyi Yesu a a byi hisekela ha yona vugandzeri bya ntiyiso. Hikwalaho ka leswi Yesu a a lava ku pfuna vanhu van’wana, u horise lava vabyaka, a phamela lava a va ri ni ndlala a tlhela a pfuxa lava feke. Hi ku endla masingita lawa hinkwawo, a a kombisa leswi Mfumo wa Xikwembu wu nga ta swi endlela vanhu.