Va Amukeleni Hi Malwandla

1. Yehovha i Xikwembu xa malwandla.

U rhandza hinkwerhu, a nga hlawuli.

U hi nyika mpfula,

ni dyambu hinkwerhu;

Wa hi hlayisa hi swakudya.

Na hina loko hi pfuna van’wana,

Hi tekelela Xikwembu xa hina.

Xi ta hi hakela

malwandla ya hina,

Ku komba van’wana tintswalo.

2. Rirhandzu ra ku pfuna van’wanyana

Ri nga tswala mihandzu leyinene.

A hi va pfuneni

hi va ni malwandla,

Hambiloko hi nga va tivi.

Ku kota Lidiya, ha va ‘Am’kela.’

Va kuma ku rhula va tshamiseka.

Tatana u vona

lava ringisaka,

Mitirho yakwe ya tintswalo.