Avela Van’wana “Swilo Leswinene” Hi Ku Va Kombisa Malwandla (Mat. 12:35a)

A swi kanakanisi leswaku hinkwerhu ha swi lava ku avela van’wana “swilo leswinene” hi ku va hi landzela “ndlela ya malwandla.” (Rhom. 12:13) Vakulu hi vona va hlelaka leswaku swivulavuri leswi endzeke swi kombisiwa malwandla va tlhela va va nyika mali ya swo famba ha swona. Hambiswiritano, nkarhi wun’wana hi nga ha kanakana ku kombisa van’wana malwandla hikwalaho ko pfumala kumbe hikwalaho ko chava ku rhamba vaendzi emakaya ya hina. Leswaku hi kota ku hlula langutelo ro tano hi fanele hi yingisa ndzayo leyi Yesu a yi nyikeke Marta. (Luka 10:39-42) U vule leswaku “xiavelo lexinene” xo kombisa malwandla i xinghana ni ku khutazana ku nga ri swakudya swo tala kumbe yindlu leyi khavisiweke kahle. Loko ho landzela ndzayo yoleyo, hinkwerhu hi ta swi kota ku avelana “swilo leswinene” ni vamakwerhu hilaha Rito ra Xikwembu ri vulaka hakona.—3 Yoh. 5-8.