Vulavula Hi Ndlela Ya Ntumbuluko

Leswi Filipi A Swi Endleke

VHIDIYO: Filipi A Chumayela Mutsheniwa Wa Muetiyopiya

1. Hlalelani VHIDIYO, kumbe mi hlaya Mitirho 8:30, 31. Kutani mi bula hi swivutiso leswi landzelaka:

1. Filipi u ri sungule njhani bulo?

2. Hikwalahokayini leyi a ku ri ndlela leyinene yo sungula bulo naswona eku heteleleni a dyondzisa wanuna yoloye swilo leswintshwa?

Hi Dyondza Yini Eka Filipi?

2. Loko hi endla leswaku bulo ri va ra ntulumbuluko, swi ta endla leswaku munhu a tshunxeka swinene kutani a tiyimisela ku yingisa rungula ra hina.

Tekelela Filipi

3. Vana ni vuxiyaxiya. Ku languteka ka xikandza xa munhu ni ku tshukatshuka ka miri swi nga vula swo tala. Xana munhu yoloye u vonaka a tiyimisele ku vulavula na wena? U nga sungula ku vulavula hi rungula ra le Bibeleni hi ku vutisa u ku, “Xana a wu swi tiva leswaku . . . ?” Papalata ku sindzisa ku yisa bulo emahlweni ni munhu loyi a nga tsakeliki ku vulavula.

4. Lehisa mbilu. U nga voni onge u boheka ku vulavula hi Bibele to ho suka. Yimela nkarhi lowunene leswaku u ta kota ku vulavula hi ndlela ya ntumbuluko. Mikarhi yin’wana, leswi swi nga vula leswaku u fanele u rindza kukondza u tlhela u bula ni munhu yoloye.

5. Fambisana ni swiyimo. Munhu a nga sungula ku vulavula hi mhaka yin’wana leyi a wu nga yi langutelanga. Kutani tiyimisele ku byela munhu yoloye rungula leri fambisanaka ni xiyimo xakwe, hambiloko sweswo swi ta koxa leswaku mi bula hi rungula rin’wana ra le Bibeleni leri hambaneke ni leri a wu lava mi bula hi rona.