Vulavula Hi Timhaka Leti Tsakisaka Van’wana

Leswi Yesu A Swi Endleke

VHIDIYO: Yesu a ri ni wansati eXihlobyeni

1. Hlalelani VHIDIYO, kumbe mi hlaya Yohane 4:6-9. Kutani mi hlamula swivutiso leswi landzelaka:

1. I yini leswi Yesu a swi xiyeke eka wansati yoloye loko a nga si sungula bulo?

2. Yesu u te: “Ndzi kombela mati ndzi nwa.” Hikwalahokayini leyi a ku ri ndlela leyinene yo sungula bulo?

Hi Dyondza Yini Eka Yesu?

2. Hi nga va ni bulo lerinene loko hi sungula hi nhlokomhaka leyi tsakisaka munhu un’wana.

Tekelela Yesu

3. Pfumelelana ni swiyimo. Ku nga vi xikolokolo nguvu ya Pitori leswaku u lava ku sungula bulo hi nhlokomhaka leyi u yi lunghiseleleke. Sungula bulo hi swilo leswi van’wana va ehleketaka ha swona namuntlha. Tivutise:

1. ‘Ku vulavuriwa hi yini eka mahungu?’

2. ‘I yini leswi vaakelani, lava ndzi tirhaka na vona kumbe lava ndzi nghenaka na vona xikolo va vulavulaka ha swona?’

4. Vana ni vuxiyaxiya. Tivutise:

1. ‘Xana munhu yoloye u endla yini sweswi? I yini leswi a ehleketaka ha swona?’

2. ‘Xana swiambalo swa munhu yoleyo, ku languteka kakwe kumbe kaya rakwe swi ndzi byela yini hi vukhongeri kumbe ndhavuko wakwe?’

3. ‘Xana i nkarhi lowunene wo vulavula ni munhu yoloye?’

5. Rhiya ndleve.

1. U nga vulavuli ngopfu.

2. N’wi kombele leswaku a tiphofula. Loko swi koteka, vutisa swivutiso.