Vana Ni Xivindzi

Nsinya wa nawu: “Hi ve ni xivindzi hikwalaho ka Xikwembu xa hina, xo mi byela mahungu.”—1 Tes. 2:2.

Leswi Yesu A Swi Endleke

Yesu a kombela Zakiya leswaku a chika emurhini laha vanhu van’wana lava swi voneke hi mahlo va nga sala va hlamarile.

VHIDIYO: Yesu A Chumayela Zakiya

1. Hlalelani VHIDIYO, kumbe mi hlaya Luka 19:1-7. Kutani mi hlamula swivutiso leswi landzelaka:

Hikwalahokayini vanhu van’wana va nga ha vaka va papalate Zakiya?
I yini lexi endleke leswaku Yesu a n’wi chumayela mahungu lamanene?

Hi Dyondza Yini Eka Yesu?

2. Hi fanele hi va ni xivindzi leswaku hi chumayela vanhu hinkwavo rungula ra Mfumo handle ko va ni xihlawuhlawu.

Tekelela Yesu

3. Titshege hi Yehovha. Moya wa Xikwembu wu nyike Yesu matimba yo chumayela, na wena wu nga pfuna. (Mat. 10:19, 20; Luka 4:18) Kombela Yehovha leswaku a ku nyika xivindzi xo chumayela vanhu lava u chavaka ku va chumayela.—Mit. 4:29.

4. U nga avanyisi vanhu. Hi nga ha kanakana ku chumayela vanhu van’wana hikwalaho ka leswi va langutekisaka xiswona, xiyimo xa vona xa timali, ndlela leyi va hanyaka hayona kumbe tidyondzo ta vukhongeri leti va pfumelaka eka tona. Kambe tsundzuka:

Yehovha na Yesu va tiva timbilu ta vanhu; hina a hi swi koti.
A hi fanelanga hi vona onge Yehovha a nge swi koti ku pfuna munhu wo karhi.

5. Vana ni xivindzi, u xixima u tlhela u va ni vuxiyaxiya. (Mat. 10:16) Papalata ku phikizana. Hi musa tsema bulo loko munhu a nga lavi ku twa nchumu hi mahungu lamanene kumbe loko u vona u nga sirhelelekanga.—Swiv. 17:14.

NAKAMBE VONA

Mit. 4:31; Efe. 6:19, 20; 2 Tim. 1:7.