KU TLHELELA EKA LAVA KOMBISEKE KU TSAKELA
DYONDZO 7
Yana eMahlweni U Ringeta Ku Pfuna Vanhu
Nsinya wa nawu: ‘A va ya emahlweni va dyondzisa va nga tshiki va chumayela mahungu lamanene.’—Mit. 5:42.
Leswi Pawulo A Swi Endleke
1. Hlalelani VHIDIYO, kumbe mi hlaya Mitirho 19:8-10. Kutani mi hlamula swivutiso leswi landzelaka:
Ku ri ni ku wa mapa loko vanhu van’wana va n’wi kaneta, Pawulo u tiyisele njhani loko a pfuna vanhu lava tsakelaka?
Xana Pawulo a a tlhelela kangani leswaku a ya dyondzisa vanhu volavo lava tsakelaka naswona u swi endle nkarhi wo tanihi kwihi?
Hi Dyondza Yini Eka Pawulo?
2. Hi fanele hi heta nkarhi ni matimba hi ri karhi hi endla maendzo yo vuyela ni ku sungula tidyondzo ta Bibele.
Tekelela Pawulo
3. Endzela munhu hi nkarhi lowu a wu tsakelaka. Tivutise: ‘Xana hi wihi nkarhi lowu ndzi nga n’wi foyinelaka ha wona? Hi rini laha a nga kumaka nkarhi wa leswaku hi bula?’ Tiyimisele ku tlhelela eka yena hambiloko ku nga ri nkarhi lowu fambisanaka ni xiyimo xa wena.
4. Kombela munhu yoloye leswaku mi nga tlhela mi bula rini. Loko mi gimeta bula rin’wana ni rin’wana, n’wi tiyisekise hi nkarhi lowu mi nga ta tlhela mi bula ha wona. Tiyiseka leswaku wa tlhelela.
5. Tshama u ri ni ntshembo. U nga hatliseli ku gimeta hi ku vula leswaku munhu loyi a nga kumbekiki ekaya kumbe loyi a tshamaka a ri bizi a nga tsakeli. (1 Kor. 13: 4, 7) Ematshan’weni ya sweswo, yana emahlweni u ringeta ku kuma munhu yoloye, kambe tiyiseka leswaku u wu tirhisa kahle nkarhi wa wena.—1 Kor. 9:26.