Hi Tiyimisele Ku Hanya Hi Mimpimanyeto Leyinene Ya Yehova

BIBELE yi swi veka erivaleni leswaku loko wanuna ni wansati va tshama swin’we handle ka mbuyelo wa vukati lebyi nga enawini, va endla vuoswi kutani eka xiyimo xo tano, va nga ka va nga dyi ndzhaka ya Mfumo wa Xikwembu. (1 Vakorinto 6:9, 10) Ntokoto lowu humaka eBritish West Indies wu hi byela hi wansati loyi a dyondzeke ntiyiso lowu.

ASt. Lucia, Timbhoni timbirhi ta Yehova ti vonane ni wansati wa kona, naswona u kombe ku tsakela Bibele. Hikokwalaho, dyondzo ya Bibele yi sunguriwile na yena. Loko a karhi a twisisa, u vone xilaveko xa ku endla mindzulamiso yo karhi. Hambi leswi a a ri mana wa vana va mune,a a nga tekiwangi kambe a a tshama ni xigangu. Hinkwavo yena ni nuna va tirhe hi matimba ku aka xiyindlwana lexi eka xona va tshameke va ri tsevu.

Hi ku xiya leswaku vutomi byakwe a byi nga twanani ni milawu leyinene ya Xikwembu, wansati loyi u tiyimisele ku endla mincico. A a fanele ku tekana ni wanuna loyi a a tshama na yena kumbe a a ta hambana na yena. U vulavule na yena hi mhaka leyi, kambe a a nga ri na ku navela ku teka. A a aneriseka hi vuxaka ntsena. Xana ripfumelo rakwe ri n’wi susumetele ku endla yini? A a fanele ku boha kungu loko a lava ku tsakisa Yehova, naswona endzhaku ka loko a khongerile, u ehlekete ku hambana ni nuna loyi. Kambe xana a a ta tshama kwihi na vana va yena va mune?

Endzhaku ka ku vulavula hi mhaka leyi ni wanuna wa kona, lunghiselelo lerl antswaka ri endliwile—un’wana ni un’wana hafu ya yindlu! Hi mpfuno wa rirhandzu wa vamakwerhu, xikan’we ni wanuna loyi a a n’wi tshikile, yindlu yi avanyisiwile, hafu yi va ya yena kasi leyin’wana yi va ya lowa nuna. Hafu yakwe ya yindlu yi rhurhisiwile siku rolero ku ya eka lokhixi rin’wana ra vukule bya timayili ta ntlhanu (8 km). Hi vhiki rin’we, a yi pfuxetiwlle ni ku vuyeteriwa yi va kaya ra tikamara timbirhi to etlela.

Xisweswo hi ku va a tekile magoza lama faneleke ku tisa vutomi byakwe eku pfumelelaneni ni milawu ya Yehova, hi ku hatlisa u sungule ku tirha ntirho wa nsimu, a ri karhi a fambisana ni vana va yena va mune. U nyiketele vutomi byakwe eka Yehova kutani hi xihatla endzhakunyana u khuvuriwile. Ku tlangela xiendlakalo lexi, u teke vuphayona bya nkarhinyana. Sweswi u katekisiwile hi leswi kaya rakwe lerintshwa ri tirhisiwaka tanihi xivandla xa Dyondzo ya Buku ya Bandlha leyi nga ni avhareji ya lava vaka kona va 17. Hakunene, Yehova u katekise ku tiyimisela ka ku va mugandzerl la tengeke wa Yena.