Tana U Ta Twa Nkulumo Ya Le Rivaleni Leyi Nge:

Vululami Eka Hinkwavo Hi Muavanyisi Wa Xikwembu La Vekiweke

Tihulumendhe i khale ti ri karhi ti lava ku fikelela ‘Vululami Eka Hinkwavo,’ hi laha Magriki ya khale ma endleke ha kona lawa vaavanyisi va wona va yingiseke milandzu ya nkoka ya nawu eka Areyopago leyi, kumbe Xitsunga xa Mars. Ehubyeni leyi ya vululami malembe lama tlulaka 1 900 lama hundzeke, wanuna un’wana u hlamusele ndlela leyi vululami eka hinkwavo byi nga ta xiyiwa ha yona. Bulo rakwe ri ta xiyiwa swinene eka nkulumo-nkulu ya Ntsombano wa Muganga wa Timbhoni ta Yehova wa “Vululami Bya Xikwembu” wa ximumu lexi.

U nga yingisela nkulumo leyi eka wun’wana ni wun’wana wa mintsombano yo tano ya khume-mune leyi nga ta khomeriwa eDzongeni wa Afrika ximumu lexi. Xiyimiso xa ntsombano xi tlhela xi humesa mabulo lama pfunaka ya Bibele ehenhleni ka timhaka ta xiviri ta vutomi, ni tidrama timbirhi ta Bibele leti dyondzisaka.

Tihlanganise ni Holo ya Mfumo ya Timbhoni ta Yehova ya kwalaho leswaku u tiva nkarhi ni ndhawu ya ntsombano lowu nga kusuhi na wena, kumbe u tsalela vahumesi va magazini lowu. Nkulumo leyi yi ta nyikeriwa hi Sonto hi 2:00 p.m.