Vana Kona eNtsombanweni Wa Muganga Wa “Vadzunisi Lava Tsakeke”

MAWAKU xihloko lexinene swonghasi lexi hlawuleriweke mintsombano ya muganga ya 1995: “Vadzunisi Lava Tsakeke”! Sweswo hi leswi Timbhoni ta Yehovha ti nga swona hakunene. I vadzunisi va mani? A ku na un’wana handle ka Yehovha Xikwembu!

Yehovha a nga ringani na munhu, a nga na ntangha, a nga pimeki, u hlawulekile hi tindlela to tala. U ni matimba lama heleleke, ni vutlharhi lebyi heleleke, u ni vululami lebyi hetisekeke, naswona i ximunhuhatwa xa rirhandzu. U lulameriwa hi ku gandzeriwa ni ku dzunisiwa hi hina, ku tlula van’wana hinkwavo.

Hakunene hi lava ku va vadzunisi va yena lava tsakeke! Leswaku yi hi pfuna, Huvo leyi Fumaka ya Timbhoni ta Yehovha yi hlele nongonoko lowunene wa ntsombano wa masiku manharhu, lowu nga ta sungula hi ximumu xa 1995. Masiku lawa manharhu ma ta tsakisa hakunene, naswona Mbhoni yin’wana ni yin’wana ya Yehovha yi fanele ku tikarhatela ku va kona ku sukela eka risimu ro pfula hi Ravuntlhanu, ku ya fika eka risimu ni xikhongelo xo pfala hi Sonto ni ndzhenga.