Ntsombano Wa “Vadzunisi Lava Tsakeke”—Xana U Ta Va Kona?

NTSAKO! Xana rito rero ri twala ri nga tolovelekanga, ni ku va rimbe enkarhini lowu lowu teleke swiphiqo? Handle ko kanakana maphepha-hungu a ma hi nyiki swivangelo swo tala swo hi endla hi tsaka. Nyimpi ya rixaka, ku hangalaka ka ndlala, ku pfumaleka ka mintirho, nthyakiso lowu nga ni khombo, mafumele lama tsekatsekaka, vugevenga—leswi a hi leswi nga tataka mbilu hi ntsako, a swi tano ke?

Vanhu vo tala va wutla ntsako wihi ni wihi lowu va nga wu kumaka evuton’wini. Kambe xana wolowo i ntsako wa xiviri? Ntsako wu hlamuseriwa tanihi “ku titwa u tsakile; nyanyuko.” A hi vangani lava tshameke va kuma ntsako wa xiviri, naswona loko va wu kuma, hakanyingi wu va wa xinkarhana.

Kambe, loko yi vulavula hi siku ra hina, Bibele yi vhumbile yi ku: ‘Hosi Yehova a v̌ulav̌ula ŝeŝo, a ku: “Maŝiv̌o, malanḍa ya mina ma ta yimbelela hi ku ṭaka ka timbilu ta wona.”’ (Esaya 65:13, 14) Xana sweswo swi nga humelela njhani?

Leswaku u kuma nhlamulo, hi ku rhamba leswaku u va kona eka wun’wana wa mintsombano ya muganga ya Timbhoni ta Yehovha leyi nga ta khomiwa hi 1995. Nhloko-mhaka-nkulu ya mintsombano leyi yi ri “Vadzunisi Lava Tsakeke,” naswona ku va kona a swi lavi mali. Xiyimiso xa ntsombano lowu wa masiku manharhu, xi ta va xi ri na tinkulumo leti sekeriweke eBibeleni, minkombiso, mimbulavurisano, ni swo tala. Eka nongonoko hinkwawo nhloko-mhaka ya ntsako yi ta kandziyisiwa.

Mintsombano yi sungula le United States hi June naswona yi ta ya emahlweni yi khomiwa emadorobeni-nkulu ya misava hinkwayo, ku fikela eku sunguleni ka 1996. Swi nga ha endleka ku va ni wun’wana ekusuhi ni laha u tshamaka kona. Ha yini u nga vutisi Timbhoni ta Yehovha leti tshamaka endhawini ya ka n’wina? Ha ku rhamba hi malwandla leswaku u va kona.