Ntsombano Wa “Varhumiwa Va Ku Rhula Ka Xikwembu” Wa 1996

EMINKARHINI ya khale vanhu va Yehovha a va tlangela minkhuvo minharhu leyikulu lembe na lembe. Hi ku fanana, eminkarhini ya manguva lawa vanhu lava vitaniwaka hi vito ra Yehovha va hlangana kanharhu hi lembe va tlangela minkhuvo. Va tiphina hi ku hlengeletana hi siku ra nhlengeletano yo hlawuleka ya siku rin’we, enhlengeletanweni ya xifundzha ya masiku mambirhi ni le ntsombanweni wa muganga wa masiku manharhu kumbe mune. Nan’waka, nhloko-mhaka ya ntsombano wa muganga yi ri “Varhumiwa Va Ku Rhula Ka Xikwembu.”

Vona ndlela leyi nhloko-mhaka leyi yi fanelaka ha yona! Yehovha, Xikwembu xa hina, i “Xikwembu xa ku rhula,” ina, i “Xikwembu lexi nyikaka ku rhula.” Murhangeri wa hina, Yesu Kreste, i ‘Hosana ya ku rhula,’ naswona rungula leri malandza ya Yehovha ma ri tisaka i rungula ra ku rhula ka Xikwembu. (Vafilipiya 4:9; Varhoma 15:33; Esaya 9:6; Nahume 1:15) Ku lunghiseleriwe nongonoko lowunene wa ntsombano lowu nga ta pfuna vanhu hinkwavo leswaku va wu twisisa swinene nkoka wa ku rhula ka Xikwembu.

Nan’waka le United States ntsena, ku ta va ni mintsombano ya 198. A swi kanakanisi leswaku ku ta va ni ntsombano ekusuhi ni laha u tshamaka kona. Swi nga va njhani loko wo vonana ni Timbhoni ta Yehovha ta laha u tshamaka kona malunghana ni nkarhi ni ndhawu leyi faneleke laha ntsombano wu nga ta va kona kutani u endla malunghiselelo ya leswaku u va kona? Hinkwavo lava tsakelaka ku rhula ka xiviri, loku khomelelaka va ta amukeriwa hi malwandla.