Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w06 1/15 tl. 31
  • Swivutiso Swa Vahlayi

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Swivutiso Swa Vahlayi
  • Xihondzo xo Rindza Xi Huwelela Mfumo Wa Yehovha—2006
  • Tinhlokomhaka Tin'wana Leti Yelana Na Yona
  • Ku Vuyeriwa Eka ‘Mavele Lama Humaka eTilweni’
    Xihondzo xo Rindza Xi Huwelela Mfumo Wa Yehovha—1999
  • A Va Xi Hetisisanga Xitshembiso Xa Vona
    Leswi U Nga Swi Dyondzaka eBibeleni
  • Nhonga Ya Aroni Yi Hluka Swiluva
    Buku Yanga Ya Timhaka Ta Bibele
  • Swivutiso Swa Vahlayi
    Xihondzo xo Rindza Xi Huwelela Mfumo Wa Yehovha—2010
Vona Swo Tala
Xihondzo xo Rindza Xi Huwelela Mfumo Wa Yehovha—2006
w06 1/15 tl. 31

Swivutiso Swa Vahlayi

Xana endzeni ka areka ya ntwanano a ko va ni swiphepherhele swimbirhi swa maribye ntsena, kumbe a ku ri ni swilo swin’wana?

Loko ku nyiketeriwa tempele ya Solomoni hi 1026 B.C.E., “a ku nga ri na nchumu endzeni ka Areka loko ku nga ri swiphepherhele swimbirhi leswi Muxe a nyikiweke swona eHorebe, loko Yehovha a endla ntwanano ni vana va Israyele loko va huma aEgipta.” (2 Tikronika 5:10) Kambe ku vuye ku vekiwa ni swilo swin’wana.

“Hi n’hweti ya vunharhu endzhaku ka ku huma ka vana va Israyele etikweni ra Egipta,” va fike emananga ya Sinayi. (Eksoda 19:1, 2) Endzhaku ka sweswo, Muxe u ye eNtshaveni ya Sinayi kutani a nyikiwa swiphepherhele swimbirhi swa maribye ya Nawu. U ri: “Hiloko ndzi hundzuluka ndzi rhelela ndzi suka entshaveni, ndzi veka swiphepherhele endzeni ka areka leyi ndzi yi endleke, leswaku swi tshama swi ri kwalaho, hilaha Yehovha a ndzi leriseke hakona.” (Deteronoma 10:5) Leyi a yo va areka kumbe bokisi ra xinkarhana, leyi Yehovha a a byele Muxe leswaku a yi aka leswaku a ta veka swiphepherhele swa Nawu eka yona. (Deteronoma 10:1) Areka ya ntwanano a yi nga tirhisiwi ku kondza ku va ekusuhi ni ku hela ka lembe ra 1513 B.C.E.

Endzhakunyana ka ku kutsuriwa ka vona aEgipta, Vaisrayele va sungule ku gungula hi swakudya. Hikwalaho Yehovha u va nyike manna. (Eksoda 12:17, 18; 16:1-5) Hi nkarhi wolowo, Muxe u lerise Aroni a ku: “Teka khuwana u chela eka rona mpimo wa omere wa manna, u wu veka emahlweni ka Yehovha wu va nchumu wo hlayiseriwa switukulwana swa n’wina.” Rungula leri ri ri: “Aroni a yi chela emahlweni ka Vumbhoni [ndhawu leyi hlayisekeke yo hlayisa matsalwa ya nkoka] yi va nchumu lowu nga ta hlayisiwa, hilaha Yehovha a leriseke Muxe hakona.” (Eksoda 16:33, 34) Hambileswi Aroni handle ko kanakana a cheleke manna ekhuwaneni hi nkarhi wolowo, yi vekiwe emahlweni ka Vumbhoni ntsena endzhaku ka loko Muxe a endle Areka kutani a veka swiphepherhele eka yona.

Hilaha se swi xiyiweke hakona, areka ya ntwanano yi akiwe eku heleni ka lembe ra 1513 B.C.E. Nhonga ya Aroni yi vekiwe eArekeni yoleyo endzhaku ka nkarhi wo leha, endzhaku ka ku xandzuka ka Kora ni van’wana. Muapostola Pawulo u vulavule hi “areka ya ntwanano . . . , [laha] endzeni ka yona [a] ku ri ni khuwana ra nsuku leri nga ni manna ni nhonga ya Aroni leyi hlukeke ni swiphepherhele swa ntwanano.”—Vaheveru 9:4.

Manna a ku ri lunghiselelo leri endliweke hi Xikwembu hi nkarhi wa riendzo ra Vaisrayele emananga leri tekeke malembe ya 40. A va ha yanga emahlweni va yi kuma loko se “va dya swin’wana leswi va swi tshoveleke etikweni” ra xitshembiso. (Yoxuwa 5:11, 12) Nhonga ya Aroni a yi vekiwe earekeni ya ntwanano hi xikongomelo xo karhi—leswaku yi va xikombiso kumbe vumbhoni eka xitukulwana lexi xandzukaka. Leswi swi ringanyeta leswaku nhonga leyi yi tshame kwalaho nkarhi lowu va wu heteke emananga hinkwawo. Kutani, swa twala ku gimeta hileswaku endzhaku ka loko Vaisrayele va nghene eTikweni leri Tshembisiweke naswona emahlweni ka ku va ku nyiketeriwa tempele ya Solomoni, nhonga ya Aroni ni khuwana ra nsuku leri nga ni manna swi susiwile earekeni ya ntwanano.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela