Bokisi Ra Swivutiso

◼ Xana matsalana u fanele a endla yini loko ku fika phayona ra nkarhi hinkwawo evandlheni?

 Matsalana u fanele a tivisa Sosayiti, a tirhisa ndhawu leyi pfulekeke endzhaku ka fomo leyi nge Congregation Report (S-⁠1). U fanele a tsalela matsalana wa vandlha leri phayona leri ri humaka eka rona hi xihatla, a kombela makhadi lama nge Congregation’s Publisher Record (S-⁠21) hinkwawo lama nga le fayilini ku katsa ni papila ro n’wi tivisa leri humaka eka Komiti ya Ntirho ya Vandlha.

 Loko phayona ri rhurha, ri cinca swiyimo swo karhi, hakanyingi ra tikeriwanyana leswaku ri tshamiseka ni ku sungula ku hleleka lokunene ka ntirho. Phayona ri swi tsakela swinene loko vakulu va ri pfuna hi ndlela ya rirhandzu leswaku ku cincela ka rona evandlheni lerintshwa ku va lokunene hi laha swi nga kotekaka ha kona.

 Xitsundzuxo: Matsalana u ta nyika makhadi yo siva laman’wana ya Pioneer Service Identification (S-⁠202) ntsena eka maphayona lama cinceke vandlha kwala nsin’wini ya rhavi ra Afrika Dzonga. Maphayona lama lahlekeriweke hi makhadi ya wona, lawa ma cincaka vito hikwalaho ka vukati kumbe ko dlaya vukati kumbe lama humaka etindhawini leti khathalelaka hi rhavi rin’wana ma fanele ma kuma makhadi ya wona lamantshwa eka Sosayiti, hayi eka matsalana. Matsalana kumbe phayona ri fanele ri tsalela Sosayiti, ku hlamuseriwa xiyimo xa kona ku tlhela ku komberiwa khadi lerintshwa.