Vona Matimba Ya Bibele!

Xana u nga ma vona njhani? Hi ku hlalela vhidiyo leyi nge The Bible—Its Power in Your Life. I vhidiyo ya vunharhu eka nxaxamelo wa tikhasete ta vhidiyo leti nga ni xihloko lexi nge The Bible—A Book of Fact and Prophecy.

Xana wa swi lava ku va ni vukati lebyinene? Xana wa wu lava mpfuno leswaku u hlula swiyimo swo tika? Xana vantshwa va nga swi kotisa ku yini ku dyondza ku byarha vutihlamuleri loko va ta va va kurile? Bibele ya pfuna emhakeni leyi, hilaha vhidiyo leyi yi kombisaka hakona. Titwele hi ta wena mayelana ni nsusumeto lowunene lowu Bibele yi veke na wona evuton’wini bya vanhu van’wana. Titwele hi ta wena loko va phofula ndlela leyi misinya ya yona ya milawu yi va pfuneke ha yona leswaku va langutana ni swiphiqo swa vutomi bya manguva lawa.

Vhidiyo leyi i xitirho xa risima xo pfuna lava ha ku tsakelaka ntiyiso leswaku va vona mpfuno wa ku tirhisa Rito ra Xikwembu tanihi nkongomiso evuton’wini bya vona. Sosayiti yi ni vhidiyo leyi nge The Bible—Its Power in Your Life exitokweni. U nga ha yi oda eka nandza wa tibuku wa vandlha ra ka n’wina.