U Nga Ku Yini Eka Muchini Wa Ku Hlamula Riqingho?

Riqingho i ndlela leyi humelelaka ya ku chumayela vanhu lava nga kumekiki emakaya kumbe lava tshamaka ensin’wini leyi swi tikaka ku yi fikelela. Hambiswiritano, va ya va andza vanhu lava nga ha tikarhatiki hi ku hlamula riqingho—muchini wa ku hlamula riqingho hi wona wu hlamulaka tiqingho ta vona. U nga endla yini loko wo langutana ni xiyimo xexo? U nga veki riqingho ehansi. Ku ri na sweswo, vana ni rungula leri lunghiseleriweke kahle, leri u ri tsaleke ehansi leswaku u ri hlaya eriqinghweni. Titolovete rona leswaku u ri hlaya onge u le ku buleni. U nga ku yini?

Hi musa, rhamba n’wini wa muti leswaku a va kona eka Nhlangano wa le Rivaleni lowu landzelaka eHolweni ya Mfumo. U nga ha ku: “Ndzi khomele ku va ndzi nga ku kumanga ekaya. Loko u rhandza ku yingisa bulo leri sekeriweke eBibeleni, leri nge [vula nhloko-mhaka ya nkulumo ya le rivaleni], ndzi kombela u ta eHolweni ya Mfumo ya Timbhoni ta Yehovha. Ku amukeriwa vanhu hinkwavo. A ku tekiwi minhlengo.” Kutani vula siku ni nkarhi wa nhlangano u tlhela u vula vito ra xitarata ni adirese kumbe u hlamusela laha Holo ya Mfumo yi kumekaka kona.

Xiya vanhu hinkwavo lavantshwa lava taka eminhlanganweni, titivise eka vona naswona va endle va titwa va amukelekile. U nga rivali ku va hlamusela hi dyondzo ya le kaya ya Bibele ya mahala!