Bokisi Ra Swivutiso

◼ Loko hi chumayela hi riqingho, xana hi fanele hi n’wi byela munhu hi lunghiselelo ra munyikelo?

Loko hi chumayela munhu hi langutane na yena, swi nga ha koteka ku hlamusela leswaku ntirho wa Timbhoni ta Yehovha wo dyondzisa Bibele emisaveni hinkwayo wu seketeriwa hi ku helela hi minyikelo ya ku tirhandzela nileswaku ha yi tlangela minyikelo yo tano. Kambe loko hi chumayela hi riqingho a hi fanelanga hi boxa mhaka ya minyikelo hikuva hi nga ha tekiwa hi ri lava kombelaka mali hi riqingho. Timbhoni ta Yehovha a ti bindzuli nchumu hi vutirheli bya tona.—2 Kor. 2:17.

◼ Loko hi chumayela hi riqingho, xana hi fanele hi endla yini loko munhu a hi byela leswaku Timbhoni ta Yehovha ti nga ha tlheli ti n’wi chumayela hi riqingho?

Hi fanele hi xixima leswi munhu a swi vulaka. Xiphephana lexi nga ni vito ra yena ni siku leri a vuleke sweswo ha rona, xi fanele xi hoxiwa emvhilopheni ya mepe wa nsimu yoleyo leswaku enkarhini lowu taka vahuweleri va papalata ku ba nomboro yoleyo. Kan’we hi lembe ku fanele ku kambisisiwa nxaxamelo wa vanhu hinkwavo lava vuleke leswaku hi nga va beli riqingho kumbe ku va endzela. Mulanguteri wa ntirho u ta kombela vahuweleri lava nga ni vuxiyaxiya ni ntokoto leswaku va ya kamba loko vanhu volavo va ha titwa hi ndlela leyi fanaka.—Vona Bokisi Ra Swivutiso eka Vutirheli Bya Hina Bya Mfumo bya September 1994.