Leswi Hi Nga Swi Vulaka Hi Timagazini

Xihondzo xo Rindza Dec. 15

“Enkarhini lowu wa lembe, vanhu vo tala va anakanya hi ku velekiwa ka Yesu. Xana u tshama u tivutisa leswaku u kulele endyangwini wa njhani? [Yimela nhlamulo. Kutani u hlaya Luka 2:51, 52.] Nkandziyiso lowu wa Xihondzo xo Rindza wu hlamusela tidyondzo leti hi nga ti kumaka eka rungula ra Bibele leri vulavulaka hi ndlela leyi Yesu a kurisiweke ha yona.”

Xihondzo xo Rindza Jan. 1

“Vanhu vo tala va swi navela ku vona misava leyi yi ri ni ku rhula. Xana u anakanya leswaku hi ta kala hi ku vona ku hetiseka ka marito lawa? [Hlaya Pisalema 46:9. Kutani u yimela nhlamulo.] Nkandziyiso lowu wa Xihondzo xo Rindza wu hlamusela ndlela leyi leswi swi nga ta hetisisiwa ha yona ni leswaku ha yini hi tiyiseka leswaku xitshembiso xa Xikwembu xa misava yo pfumala nyimpi xi ta hetiseka.”

Xalamuka! Jan. 8

“Hinkwerhu ka hina hi navela ku vona vana va hina va hanya va tsakile naswona swilo swi va fambela kahle. Xana u anakanya leswaku i yini lexi xi nga pfunaka vana leswaku va langutana ni mintshikilelo leyi nga kona namuntlha? [Yimela nhlamulo. Kutani u hlaya Swivuriso 22:6.] Nkandziyiso lowu wa Xalamuka! wu hlamusela leswi vana va swi pfumalaka ni ndlela leyi vatswari va nga langutanaka ha yona ni swilaveko leswi.”

“Emisaveni hinkwayo, vanhu va timiliyoni va karhatiwa hi swipfukela, swo tahihi ku khomiwa hi gome lerikulu kumbe hi ntshikilelo lowukulu wa mianakanyo. Muvumbi wa hina wa va khathalela swinene vanhu vo tano. [Hlaya Pisalema 34:18.] Magazini lowu wu hlamusela ndlela leyi vanhu lava va nga ni vuvabyi lebyi va nga pfuniwaka ha yona. Wu tlhela wu vulavula hi xitshembiso xa Bibele xa leswaku mavabyi hinkwawo ma ta hela ku nga ri khale.”