Leswi Hi Nga Swi Vulaka Hi Timagazini

Xihondzo xo Rindza Dec. 15

“Enkarhini lowu wa lembe, vanhu emisaveni hinkwayo va tsundzuka ku velekiwa ka Yesu hi tindlela to hambana-hambana. Xana wa swi tiva leswaku vuprofeta bya Bibele byi hlamusela leswaku ku velekiwa ka Yesu a ku ta tisa ku rhula loku nga ta tshama hi masiku? [Yimela nhlamulo. Kutani u hlaya Esaya 9:6, 7.] Magazini lowu wu hlamusela ndlela leyi ku rhula koloko ku nga ta tisiwa ha yona.”

Xihondzo xo Rindza Jan. 1

“Vukhongeri byo tala byi dyondzisa leswaku vanhu va fanele va rhandza varikwavo. [Hlaya Matewu 22:39.] Kutani ha yini vukhongeri byi hlohlotela tinyimpi to tala ni mpfilumpfilu leswi nga kona laha misaveni? [Yimela nhlamulo.] Nkandziyiso lowu wa Xihondzo xo Rindza wu kambisisa xivutiso lexi nge, Xana vukhongeri byi nga swi kota ku endla vanhu va va ni vun’we?”

Xalamuka! Jan. 8

“Xana u swi xiyile leswaku masiku lawa vanhu va teka munhu a ri wa nkoka swinene hi ndlela leyi a langutekaka ha yona? [Yimela nhlamulo.] Magazini lowu wu hlamusela makhombo lama nga va ka kona hikwalaho ko lava ku saseka ku tlula mpimo. Wu tlhela wu hlamusela ku saseka loku nga ka nkoka swinene.” Hlaya 1 Petro 3:3, 4.

Xingheniso Xin’wana: “U nga xi hlamula njhani xivutiso lexi? [Hlaya xivutiso lexi nga exifunengetweni. Kutani u yimela nhlamulo.] Rifuwo ra misava ri hunguteka hi ndlela yo chavisa. Kambe xiya xitshembiso lexi tiyisaka nhlana. [Hlaya Pisalema 104:5.] Nkandziyiso lowu wa Xalamuka! wu hlamusela ndlela leyi ku nga ri khale pulanete ya hina yi nga ta hlakarhela ha yona hilaha ku heleleke.”