Leswi Hi Nga Swi Vulaka Hi Timagazini

Xalamuka! Dec. 8

“Vanhu hinkwako-nkwako va khomekile hi ku lunghiselela Khisimusi. Xana wa swi tiva leswaku siku ra Khisimusi ri sungule njhani? [Yimela nhlamulo.] Xana a wu swi tiva leswaku Yesu a nga velekiwanga hi December 25? Ndzi rhandza ku ku hlayela tsalwa leri ra Yakobo 1:27. [Hlaya.] Xana u swi xiyile leswaku vugandzeri bya hina byi fanele byi va lebyi baseke ni lebyi nga nyamangiki? Xihloko lexi, lexi nge “Leswi U Faneleke U Swi Tiva Hi Khisimusi” xi hlamusela timhaka to tsakisa malunghana ni masungulo ya Khisimusi, xi tlhela xi hi hlamusela leswi Bibele yi swi vulaka hi ku tlangela siku ro tano.”

Xihondzo xo Rindza Dec. 15

“Enkarhini lowu wa lembe, vo tala va anakanya hi ku tswariwa ka Yesu. Xana a wu swi tiva leswaku ku ni timhaka ta nkoka leti hi nga ti dyondzaka malunghana ni rungula ra Bibele ra ku tswariwa ka yena? [Yimela nhlamulo. Kutani pfula eka tluka 5, ivi u hlaya 2 Timotiya 3:16.] Nkandziyiso lowu wa Xihondzo xo Rindza wu hlamusela swin’wana leswi hi nga swi dyondzaka.”

Xihondzo xo Rindza Jan. 1

“Loko vanhu va feriwa hi munhu loyi va n’wi rhandzaka kumbe va xanisiwa hi vuvabyi, hakanyingi va tivutisa xivutiso lexi nge, ‘Ha yini Xikwembu xi swi pfumelela?’ Kumbexana na wena u tivutise xivutiso xexo. Bibele yi kombisa leswaku Xikwembu xa vaviseka loko vanhu va xaniseka. [Hlaya Esaya 63:9a.] Magazini lowu wu hlamusela mhaka leyi hi nga tiyisekaka ha yona leswaku Xikwembu xi ta herisa ku xaniseka.”

Xalamuka! Jan. 8

“Xana u anakanya leswaku hulumendhe yi fanele yi nghenelela emhakeni ya ntshunxeko wa ku vulavula? [Yimela nhlamulo.] Ku vuriwa yini loko sweswo swi katsa ku vulavula ni van’wana hi vukhongeri, hilaha hi hlayaka hakona eka tsalwa leri? [Hlaya Mintirho 28:30, 31.] Ku nga ri khale, xivutiso xexo xi vutisiwe Huvo-nkulu ya United States. U komberiwa ku hlaya mhaka ya kona enkandziyisweni lowu wa Xalamuka!”