Leswi Hi Nga Swi Vulaka Loko Hi Fambisa Timagazini

Xihondzo xo Rindza Dec. 15

“Hi nkarhi lowu wa tiholideyi, vanhu va ringeta ku va ni musa ni ntwela-vusiwana. Xana u ehleketa leswaku vutomi bya vanhu a byi ta antswa loko a vo twelana vusiwana lembe hinkwaro? [Yimela nhlamulo. Kutani u hlaya 1 Petro 3:8.] Magazini lowu wu hlamusela leswaku ha yini swi ri swa nkoka ku va ni ntwela-vusiwana wu tlhela wu kombisa tindlela leti hi nga vaka ni ntwela-vusiwana eka van’wana ha tona.”

Xalamuka! Dec.

“Xana u ehleketa leswaku vanhu lava feke lava hi va rhandzaka va ta tlhela va hanya? [Yimela nhlamulo.] Bibele yi vula leswaku vafi va ta pfuxiwa. [Hlaya Pisalema 68:20.] Magazini lowu wu kombisa leswaku ha yini hi fanele hi va ni ntshembo wa leswaku loko munhu a file u ta tlhela a hanya.”

Xihondzo xo Rindza Jan. 1

“Vanhu vo tala va khongelela leswaku Mfumo wa Xikwembu wu ta. Hi xikombiso, xiya xikhongelo lexi dumeke lexi Yesu a xi dyondziseke valandzeri va yena. [Hlaya Matewu 6:9, 10.] Xana u tshama u tivutisa leswaku Mfumo lowu i yini naswona wu ta ta rini? [Yimela nhlamulo.] Magazini lowu wu hlamusela leswi Bibele yi swi vulaka emhakeni leyi.”

Xalamuka! Jan.

“I khale vavasati va ri karhi va languteriwa ehansi ni ku hlaseriwa. Xana u ehleketa leswaku sweswo swi vangiwa hi yini? [Yimela nhlamulo.] Xiya leswaku Bibele yi ri vavanuna va fanele va khoma vasati va vona njhani. [Hlaya 1 Petro 3:7.] Magazini lowu wu kombisa leswi Bibele yi swi vulaka hi ndlela leyi Xikwembu na Kreste va lavaka leswaku vavasati va khomiwa ha yona.”