Ku Fambisa Buku Leyi Nge Dyondza Eka Mudyondzisi Lonkulu

◼ “Xana u ehleketa leswaku a swi ta tsakisa ku hanya emisaveni loko vanhu a va hanya hi nawu lowu? [Hlaya Matewu 7:12a. Kutani n’wi nyike nkarhi wo hlamula.] Buku leyi yi tamele tidyondzo to tala ta mudyondzisi lonkulu eka hinkwavo.” Hlamusela swifaniso ni marito lama tsariweke ehansi ka swona eka ndzima 17.

◼ “Vatswari vo tala va ringeta ku dyondzisa vana va vona mahanyelo lamanene. Xana u anakanya leswaku sweswo i swa nkoka? [Yimela nhlamulo. Kutani hlaya Swivuriso 22:6.] Xiya leswaku vatswari va khutaziwa ku sungula ku letela vana va vona ku sukela evutsongwanini. Buku leyi yi endleriwe leswaku yi va pfuna ku endla tano.” Hlamusela swifaniso ni marito lama tsariweke ehansi ka swona eka ndzima 15, 18 kumbe 32.

◼ “Hakanyingi vatswari va hlamarisiwa hi swivutiso leswi vutisiwaka hi vana va vona. Swin’wana swa swona swa tika ku swi hlamula, a swi tano ke? [Yimela nhlamulo. Kutani hlaya 2 Timotiya 3:14, 15.] Mana wa Timotiya ni kokwa wakwe va n’wi dyondzise Matsalwa ku sukela loko a ha ri ricece. Buku leyi yi ta pfuna vatswari ku endla tano eka vana va vona namuntlha.” Hlamusela swifaniso swi nga ri swingani ni marito lama tsariweke ehansi ka swona eka ndzima 11 na 12 kumbe 34 ku ya ka eka 36.