(1) Xivutiso, (2) Tsalwa Ni (3) Ndzima

Ndlela yo olova yo fambisa buku leyi nge Xana Bibele Yi Dyondzisa Yini Hakunene? i ku (1) vutisa xivutiso lexi lavaka leswaku munhu a vula mavonelo ya yena, (2) ivi u hlaya tsalwa leri faneleke (3) kutani u komba n’wini wa muti ndzima yo karhi ebukwini, leyi hlamuselaka mhaka yoleyo, hi ku n’wi hlayela swivutiso leswi tsariweke ehansi ka nhloko-mhaka ya ndzima yoleyo. Loko n’wini wa muti a tsakela, u nga ha n’wi kombisa ndlela leyi dyondzo ya Bibele yi fambisiwaka ha yona, u tirhisa tindzimana to sungula ta ndzima yoleyo. Ndlela leyi yi nga tirhisiwa eka riendzo ro sungula kumbe loko u endla riendzo ro vuyela.

◼ “Xana u ehleketa leswaku vanhu va nga swi kota ku tiva Muvumbi wa matimba hinkwawo hilaha Bibele yi vulaka hakona?” Hlaya Mintirho 17:26, 27, kutani u yimela nhlamulo. N’wi kombe ndzima yo sungula.

◼ “Loko u anakanya hi swiphiqo leswi hi langutaneke na swona namuntlha, xana swi nga koteka ku kuma nchavelelo ni ntshembo lowu hlamuseriweke laha?” Hlaya Varhoma 15:4, kutani u yimela nhlamulo. N’wi kombe ndzima ya vumbirhi.

◼ “Loko a wu ri ni matimba, xana a wu ta swi endla swilo leswi boxiweke laha?” Hlaya Nhlavutelo 21:4, kutani u yimela nhlamulo. N’wi kombe ndzima ya vunharhu.

◼ “Xana u ehleketa leswaku swi ta kala swi koteka leswaku vana va hina va tiphina hi swiyimo leswi hlamuseriweke eka risimu leri ra khale ka khaleni?” Hlaya Pisalema 37:10, 11, kutani u yimela nhlamulo. N’wi kombe ndzima ya vunharhu.

◼ “Xana u ehleketa leswaku marito lawa ma ta kala ma hetiseka?” Hlaya Esaya 33:24, kutani u yimela nhlamulo. N’wi kombe ndzima ya vunharhu.

◼ “Xana u tshama u tivutisa loko lava feke va swi tiva leswi endliwaka hi lava hanyaka?” Yimela nhlamulo. Kutani u hlaya Eklesiasta 9:5, ivi u n’wi komba ndzima ya vutsevu.

◼ “Xana u ehleketa leswaku swi ta kala swi endleka leswaku siku rin’wana hi vona varhandziwa va hina lava feke, hilaha Yesu a vuleke hakona eka tindzimana leti?” Hlaya Yohane 5:28, 29, kutani u yimela nhlamulo. N’wi kombe ndzima ya vunkombo.

◼ “Xana u ehleketa leswaku ku laveka yini leswaku ku rhandza ka Xikwembu ku endleka la misaveni hilaha ku endlekaka hakona etilweni, hilaha xikhongelo lexi xa Hosi xi vulaka hakona?” Hlaya Matewu 6:9, 10, kutani u yimela nhlamulo. N’wi kombe ndzima ya vunhungu.

◼ “Xana u ehleketa leswaku hi hanya enkarhini lowu hlamuseriweke eka vuprofeta lebyi?” Hlaya 2 Timotiya 3:1-4, kutani u yimela nhlamulo. N’wi kombe ndzima ya vukaye.

◼ “Vanhu vo tala va tivutisa leswaku hikwalaho ka yini swiphiqo swa vanhu swi vonaka swi ya swi nyanya ku biha. Tsalwa leri ri nyika xivangelo xa kona. Xana u nga swi tsakela ku xi twa? Hlaya Nhlavutelo 12:9, kutani u ku: “Xana u xi twile xivangelo xa kona?” Yimela nhlamulo. Kutani u n’wi komba ndzima ya vukhume.

◼ “Xana a wu si tshama u lava ku tiva nhlamulo ya xivutiso xo fana ni lexi?” Hlaya Yobo 21:7, kutani u yimela nhlamulo. N’wi kombe ndzima ya vukhume-n’we.

◼ “Xana u ehleketa leswaku loko vanhu va tirhisa ndzayo ya Bibele va nga va ni ntsako emindyangwini ya vona?” Hlaya Vaefesa 5:33, kutani u yimela nhlamulo. N’wi kombe ndzima ya vukhume-mune.

Dyondzo ya Bibele yi nga vikiwa loko yi fambisiwe kambirhi endzhaku ka loko u kombe n’wini wa muti ndlela leyi yi fambisiwaka ha yona naswona u khorwisekile leswaku mi ta ya emahlweni mi dyondza.