Leswi Hi Nga Swi Vulaka Hi Timagazini

Xihondzo xo Rindza Nov. 15

“Vanhu vo tala va tivutisa leswaku hikwalaho ka yini swiphiqo swa vanhu swi vonaka swi ri karhi swi nyanya swi nga tlhantlheki. Tsalwa leri ri nyika xivangelo xa kona. Xana u nga swi tsakela ku xi twa? [Hlaya Nhlavutelo 12:9. Kutani u ku: “Xana u xi twile xivangelo xa kona?” Yimela nhlamulo.] Magazini lowu wu hlamusela marhengu ya Diyavulosi yo hambukisa vanhu ni ndlela leyi hi nga papalataka nkucetelo wa yena ha yona.”

Xihondzo xo Rindza Dec. 1

“Loko vanhu va twa rito leri nge ‘Armagedoni,’ vo tala va ehleketa hi ndzoviso wo chavisa lowu nga ta yayarhela vanhu. [N’wi kombe bokisi leri nga eka tluka 3.] Xana u nga ku yini loko wo twa leswaku Armagedoni kahle-kahle a yi vuli ku yayarheriwa ka vanhu? [Yimela nhlamulo.] Magazini lowu wu hlamusela xivangelo xa kona.” Hlaya 2 Petro 3:13.

Xalamuka! Dec. 8

“Hambileswi ku nga ni swakudya leswi eneleke ku wundla vanhu hinkwavo emisaveni, vanhu va kwalomu ka 800 wa timiliyoni va sika. Xana leswi a swi khomisi gome? [Yimela nhlamulo.] Magazini lowu wu hlamusela ntlhontlho lowu kulaka wo wundla vanhu emadorobeni. Wu tlhela wu hlamusela xitshembiso xa Bibele xa ku herisiwa ka ndlala emisaveni.” Hlaya Pisalema 72:16a.

Xingheniso Xin’wana: “Ndzi navela ku ku byela hi nkarhi lowu un’wana ni un’wana a nga ta va ni ndhawu leyinene yo tshama. Xana a swi khomisi gome leswi vanhu vo tala va pfumalaka ndhawu yo tshama? [Yimela nhlamulo. Kutani u hlaya Esaya 65:21, 22.] Magazini lowu wu kambisisa xivangelo xo va vanhu va pfumala ndhawu yo tshama. Wu tlhela wu hlamusela ndlela leyi Xikwembu xi nga ta hetisisa xitshembiso xa xona lexi ha ha ku hlayaka ha xona etsalweni.”