Leswi Hi Nga Swi Vulaka Hi Timagazini

Xihondzo xo Rindza Nov. 15

“Leswi ku nga ni vukanganyisi byo tala emisaveni, van’wana va tivutisa leswaku, ‘Ha yini ndzi fanele ndzi tikarhatela ku endla leswinene?’ Xana na wena u tshame u titwa hi ndlela yoleyo? [Yimela nhlamulo.] Xiya marito lawa lama khutazaka. [Hlaya Swivuriso 2:21, 22.] Magazini lowu wu hlamusela xivangelo xa nkoka swinene xo va lava lulameke.”

Xalamuka! Nov.

“Van’wana va vona onge Xikwembu xi ni vutihlamuleri eka swilo hinkwaswo leswi endlekaka. Loko ku humelela khombo, va vula leswaku Xikwembu xi fanele xi ri ni xivangelo lexi twalaka xo ri vanga. Xana wena u swi vona njhani? [Yimela nhlamulo. Kutani u hlaya Yakobo 1:13.] Magazini lowu wu kombisa leswi Bibele yi swi vulaka malunghana ni lexi vangaka ku xaniseka ni leswi Xikwembu xi swi endlaka leswaku xi ku herisa.”

Xihondzo xo Rindza Dec. 1

“Xana u ehleketa leswaku vuprofeta lebyi bya Bibele byi karhi bya hetiseka namuntlha? [Hlaya Matewu 24:11. Kutani u yimela nhlamulo.] Magazini lowu wu hlamusela tidyondzo tin’wana leti tolovelekeke. Wu tlhela wu kombisa ndlela leyi hi nga swi papalataka ha yona ku kanganyisiwa hi tidyondzo ta mavunwa.”

Xalamuka! Dec.

“Xana u nga hlawula mani tanihi nghwazi leyi tshameke yi hanya? [Yimela nhlamulo.] Vo tala va teka Yesu a ri nghwazi. Vona leswi a nga ta swi endla emisaveni tanihi Mufumi wa Mfumo wa Xikwembu. [N’wi kombe xifaniso lexi nga eka matluka 8-9, kutani u hlaya rin’wana ra matsalwa lama kombisiweke.] Magazini lowu wu hlamusela ndlela leyi Yesu a nga ta swi hetisisa ha yona swin’we ni nkarhi lowu a nga ta swi hetisisa ha wona.”