Leswi Hi Nga Swi Vulaka Loko Hi Fambisa Timagazini

Xihondzo Xo Rindza Nov. 1

“Loko vavanuna ni vavasati va tirhisa ndzayo leyi ya Bibele, xana u ehleketa leswaku swiboho swa vona swa vukati swi nga tiya? [Hlaya Yobo 31:1. Kutani u yimela nhlamulo.] Xihloko lexi xi hlamusela milawu ya Bibele leyi kongomisaka leyi nga pfunaka mimpatswa leswaku yi tiyisa vuxaka bya yona.” N’wi kombe xihloko lexi sungulaka eka tluka 18.

Xalamuka! Nov.

“Vanhu vo tala va pfumela leswaku tinhlampfi ti hela hi ndlela leyi hlamarisaka elwandle. Xana u ehleketa leswaku tihulumendhe ti nga swi kota ku tlhantlha xiphiqo lexi? [Yimela nhlamulo. Kutani u hlaya Matewu 6:10.] Xihloko lexi xi kambisisa swin’wana swa swivangelo leswi swi endlaka vanhu va karhateka hi mhaka leyi, xi tlhela xi hlamusela ndlela leyi Xikwembu xi nga ta xi tlhantlha ha yona xiphiqo lexi.” N’wi kombe xihloko lexi sungulaka eka tluka 20.

Xihondzo Xo Rindza Dec. 1

“Enkarhini lowu wa lembe vanhu vo tala va ehleketa hi Yesu. Xana yi kona ndlela leyi Yesu a byi khumbaka ha yona vutomi bya wena? [Yimela nhlamulo.] Bibele yi hi khutaza leswaku hi tekelela xikombiso xakwe. [Hlaya 1 Petro 2:21.] Loko hi endla tano, sweswo swi ta hi pfuna leswaku hi va vanhu lava tsakeke. Magazini lowu wu hlamusela swivangelo swa kona.”

Xalamuka! Dec.

“Se i malembe vanhu va ri karhi va tivutisa xivutiso lexi. [N’wi kombe xivutiso lexi nga exifunengetweni.] Xana u ehleketa leswaku hi nga yi kuma kwihi nhlamulo leyi enerisaka? [Yimela nhlamulo.] Xiya xivangelo xa ku va hi langutela leswaku Xikwembu xi va xona lexi hi nyikaka nhlamulo. [Hlaya Pisalema 100:3.] Magazini lowu wu hlamusela leswi Bibele yi swi vulaka emhakeni leyi.”