Leswi Hi Nga Swi Vulaka Loko Hi Fambisa Timagazini

Xihondzo xo Rindza Nov. 15

“Hinkwerhu ka hina hi lava ku hanya vutomi lebyi tsakisaka ni lebyi nga ni xikongomelo. Xana wa pfumelelana ni leswi Yesu a swi vuleke laha hi ndlela leyi hi nga kumaka ntsako ha yona? [Hlaya Matewu 5:3. Kutani u yimela nhlamulo.] Magazini lowu wu hlamusela leswaku loko hi enerisa xilaveko lexi hi tswariwaka na xona xo gandzela Xikwembu, hi ta kota ku hanya vutomi lebyi nga ni xikongomelo.”

Xalamuka! Nov.

“Enkarhini wa hina wa sayense ni wa vanhu lava nga pfumeliki eka vukhongeri, vo tala va ehleketa leswaku Bibele yi heleriwe hi nkarhi. Wena u ri yini hi mhaka leyi? [Yimela nhlamulo.] Xana a wu swi tiva leswaku mhaka yin’wana ni yin’wana leyi vulavulaka hi sayense eBibeleni ya pakanisa? [Hlaya Yobo 26:7.] Nkandziyiso lowu wo hlawuleka wa Xalamuka! wu nyika swivangelo leswi twalaka swo tshemba Bibele.”

Xihondzo xo Rindza Nov. 15Dec. 1

“Xana u nga xi hlamula njhani xivutiso lexi? [Hlaya xivutiso lexi nga eka xifunengeto. Kutani u yimela nhlamulo.] Xikongomelo xa Xikwembu hileswaku xi hlanganisa vanhu va tinxaka hinkwato. [Hlaya Pisalema 46:8, 9.] Magazini lowu wu komba ndlela leyi vun’we byi nga ta fikeleriwa ha yona hi ku ya hi langutelo ra Bibele.”

Xalamuka! Dec.

“Vanhu van’wana va ehleketa leswaku rifu i ndlela leyi yisaka eka vutomi byin’wana; van’wana va kholwa leswaku i makumu ya vutomi. Xana u ehleketa leswaku rifu i nchumu lowu hi faneleke hi wu chava? [Yimela nhlamulo.] Vona ndlela leyi Yobo a a titwa ha yona hi rifu ra yena. [Hlaya Yobo 14:14, 15.] Magazini lowu wu nyika nhlamuselo ya le Bibeleni leyi nga erivaleni malunghana ni leswi endlekaka eka hina loko hi fa.”