Leswi Hi Nga Swi Vulaka Hi Timagazini

Xalamuka! Nov. 8

“Handle ko kanakana wa swi tiva leswaku emisaveni hinkwayo ku ni ntungu wa AIDS. Kambe, xana a wu swi tiva leswaku ntungu lowu se wu tinyike matimba swinene etikweni ra Afrika Dzonga? [Yimela nhlamulo.] Ndzi lava ku ku komba leswaku Xikwembu xi ta xi tlhantlha njhani xiphiqo lexi. [Hlaya Nhlavutelo 21:4, 5.] Nkandziyiso lowu wa Xalamuka! wu hlamusela ntungu wa AIDS ni leswi Xikwembu xi nga ta swi endla leswaku xi herisa ntungu lowu emisaveni, kun’we ni vuvabyi ni swiphiqo leswin’wana hinkwaswo.”

Xihondzo xo Rindza Nov. 15

“Van’wana va tivutisa loko swi fanerile leswaku hi va ni tikereke ni titempele loko hi gandzela Xikwembu. Xana wena u ehleketa yini? [Yimela nhlamulo.] Xiya leswi Bibele yi swi vulaka emhakeni leyi. [Hlaya Mintirho 17:24.] Kutani hi xihi xikongomelo xa tindhawu ta vugandzeri? Magazini lowu wu hi nyika nhlamulo ya xivutiso lexi, leyi sekeriweke eMatsalweni.”

Xihondzo xo Rindza Dec. 1

“Masiku lawa, vanhu vo tala va ni swiphiqo swa timali. Swi tano ni le tikerekeni hikuva ta phikelela swinene eku kombeleni ka timali. Xana sweswo a swi ku khumbi? [Yimela nhlamulo. Kutani hlaya 1 Vatesalonika 2:9.] Xihondzo xo Rindza xi hlamusela leswi Bibele yi swi vulaka hi mhaka leyi.”

Xalamuka! Dec. 8

“Hikwalaho ka minxungeto ya matherorisi, vo tala va tivutisa loko swi nga ri na khombo ku tirhisa xihaha-mpfhuka. Xana leswi a swi ku khumbi wena? [Yimela nhlamulo.] Bibele yi kombisa leswaku a nga kona loyi makhombo ma nga n’wi weliki. [Hlaya Eklesiasta 9:11.] Hambiswiritano, nkandziyiso lowu wa Xalamuka! wu kombisa ndlela leyi u nga titwaka u sirhelelekile ha yona ni ku eneriseka loko u famba hi xihaha-mpfhuka.”