Leswi Faneleke Swi Tsundzukiwa Malunghana Ni Xitsundzuxo

Nan’waka Xitsundzuxo xi ta va hi Ravunharhu, April 12. Vakulu va fanele va xalamukela ku endla swilo leswi landzelaka.

◼ Loko mi hlela nkarhi wa nhlangano, tiyisekani leswaku swifanekiselo a swi nge fambisiwi loko dyambu ri nga si pela.

◼ Un’wana ni un’wana, ku katsa ni xivulavuri, u fanele a tivisiwa nkarhi lowu Xitsundzuxo xi nga ta khomiwa ha wona ni ndhawu ya kona.

◼ Ku fanele ku kumiwa xinkwa ni vhinyo swa muxaka lowu faneleke, swi tlhela swi lulamisiwa kahle.—Vona Xihondzo xo Rindza xa February 15, 2003, matl. 14-15.

◼ Tipuleti, tinghilazi, tafula ni lapi ro funengeta tafula swi fanele swi tisiwa eholweni swi tlhela swi vekiwa kahle ka ha ri ni nkarhi.

◼ Holo ya Mfumo kumbe ndhawu yin’wana leyi ku nga ta hlanganiwa eka yona yi fanele yi basisiwa kahle ka ha ri ni nkarhi.

◼ Varindzi ni lava nga ta fambisa swifanekiselo va fanele va hlawuriwa ka ha ri emahlweni va tlhela va leteriwa ntirho wa vona, ni maendlelo lawa ku nga ta landzeriwa wona naswona va fanele va ambala hi ndlela leyi xiximekaka.

◼ Ku fanele ku endliwa malunghiselelo yo yisa swifanekiselo eka vatotiwa hinkwavo lava tsandzekaka ku ta hikwalaho ka mavabyi.

◼ Loko mavandlha yo tlula rin’we ma ta tirhisa Holo yin’we ya Mfumo, ma fanele ma tirhisana kahle leswaku ku nga vi ni ku kwetlembetana enyangweni, ehandle ni laha ku pakiwaka kona timovha.