Leswi Hi Nga Swi Vulaka Hi Timagazini

Xihondzo xo Rindza May 15

“Xana u ehleketa leswaku u nga tiphina loko wo hanya ehansi ka swiyimo leswi hlamuseriweke eka ndzimana leyi ya Bibele? [Hlaya 2 Petro 3:13. Kutani u yimela nhlamulo.] Magazini lowu wu hlamusela leswi matilo lamantshwa ni misava leyintshwa swi nga swona. Wu tlhela wu hlamusela ndlela leyi vutomi byi nga ta cinca ha yona loko Xikwembu xi hetisisa xitshembiso xa xona emisaveni.”

Xalamuka! May

“Vanhu van’wana va tshemba leswaku loko u lava swilo swi ku fambela kahle namuntlha, u fanele u va ni madzolonga. Kambe Yesu a nga swi bumabumelanga sweswo. Twana leswi a swi vuleke. [Hlaya Matewu 5:5, 9.] Xana u pfumelelana na wona marito lawa? [Yimela nhlamulo.] Magazini lowu wu kandziyisa swilo swinharhu leswi hi nga vuyeriwaka ha swona loko hi ri ni ku rhula.” N’wi kombe xihloko lexi nga eka tluka 28.

Xihondzo xo Rindza June 1

“Eka mindhavuko yo tala, ku tshame ku va ni nkarhi lowu vanhu lava dyuhaleke a va xiximiwa, hilaha hi swi vonaka hakona eka nawu lowu wa khale. [Hlaya Levhitika 19:32.] Xana u anakanya leswaku vadyuhari va ha xiximiwa ninamuntlha? [Yimela nhlamulo.] Magazini lowu wu hlamusela ndlela leyi Xikwembu xi va khathalelaka ha yona vanhu lava dyuhaleke ni ndlela leyi na hina hi nga va khathalelaka ha yona.”

Xalamuka! June

“Vutherorisi a byo sungula namuntlha, kambe se byi tele hinkwako emisaveni, lerova byi khumba vutomi bya vanhu hinkwavo. Xana u anakanya leswaku leswi swi vangiwa hi yini? [Yimela nhlamulo.] Nkandziyiso lowu wa Xalamuka! wu kombisa leswi Bibele yi swi vulaka hi ku herisiwa ka vutherorisi ni ndlela leyi Xikwembu xi nga ta tisa ku rhula ka xiviri ha yona emisaveni.” Hlaya Mikiya 4:4.