Leswi Hi Nga Swi Vulaka Hi Timagazini

Xihondzo xo Rindza May 15

“U nga xi hlamula njhani xivutiso lexi? [Hlaya xivutiso lexi nga exifunengetweni. Kutani u yimela nhlamulo.] Bibele yi hi nyika xivangelo xo va ni ntshembo. [Hlaya Matewu 6:9, 10.] Magazini lowu wu hlamusela ndlela leyi Mfumo wa Xikwembu wu nga ta swi endla ha yona leswaku ku rhandza ka xona ku endleka emisaveni.”

Xalamuka! May

“Xana u ehleketa leswaku Xikwembu xi kunguhata ka ha ri emahlweni leswaku hi ta endla yini nileswaku hi ta helela kwihi? [Yimela nhlamulo.] Hi ku ya hi ndzimana leyi ya Bibele, Xikwembu xi pfumelele vanhu leswaku va tihlawulela ndlela leyi va lavaka ku hanya ha yona. [Hlaya Deteronoma 30:19.] Xihloko lexi xi kombisa leswi Bibele yi swi vulaka hi mhaka leyi.” N’wi kombe xihloko lexi sungulaka eka tluka 12.

Xuhondzo xo Rindza June 1

“Siku ni siku hi twa mahungu ya lava endlaka swilo swo biha. [Boxa xikombiso xa mhaka leyi tivekaka endhawini ya ka n’wina.] Xana u tshame u tivutisa loko ku ri ni swivumbiwa swo homboloka leswi nga vonakiki leswi kucetelaka vanhu? [Yimela nhlamulo. Kutani u hlaya Nhlavutelo 12:12.] Magazini lowu wu hlamusela ndlela leyi hi nga tisirhelelaka ha yona.”

Xalamuka! June

“Ndzi tsakela ku twa mavonelo ya wena hi leswi tsalwa leri ri vulaka swona. [Hlaya 1 Timotiya 6:10.] Xana u vona onge lava hlongorisaka mali ni ku tihlengeletela rifuwo va xaniseka hakunene hikwalaho ka swona? [Yimela nhlamulo.] Magazini lowu wu hlamusela vuyelo byo biha byo hlongorisa rifuwo.”