Leswi Hi Nga Swi Vulaka Loko Hi Fambisa Timagazini
Xihondzo xo Rindza May 1
Hlaya Matewu 24:3 kutani u ku: “Van’wana va vula leswaku xivutiso lexi xi vulavula hi ku hela ka misava leyi hi hanyaka eka yona. Xana u ehleketa leswaku misava yi ta kala yi herisiwa? [Yimela nhlamulo.] Nhlamulo ya Yesu yi hi pfuna ku vona leswaku misava a yi nge herisiwi, kambe ku na swin’wana leswi nga ta herisiwa. Xihloko lexi nga eka tluka 16 xa swi hlamusela.”
Xalamuka! May
“Vafundhisi van’wana va dyondzisa leswaku loko hi tirhela Xikwembu hi ku tshembeka xi ta hi nyika rifuwo. Ndza tshemba leswaku va kona vanhu lavanene lava u va tivaka kambe va nga swisiwana. Xana u ehleketa leswaku Xikwembu xi lava leswaku hi va vanhu lava fuweke? [Yimela nhlamulo. Kutani u hlaya Vaheveru 13:5.] Xihloko lexi nga eka tluka 12 xi hlamusela ndlela leyi Xikwembu xi hi katekisaka ha yona.”
Xihondzo xo Rindza June 1
“Vanhu vo tala va lava ndzayo loko swi ta emhakeni yo kurisa vana va vona swin’we ni vuhlayiseki bya mindyangu ya vona. Xana u vona onge hi nga yi kuma kwihi ndzayo leyinene malunghana ni timhaka to tano? [Yimela nhlamulo.] Vanhu vo tala a va yi tekeli enhlokweni buku leyi nga xihlovo xa xitsundzuxo lexi tshembekaka. [Hlaya 2 Timotiya 3:16.] Magazini lowu wu swi hlamusela kahle leswaku ha yini hi fanele hi tshemba Bibele naswona wu tamele switsundzuxo leswi pfunaka.”
Xalamuka! June
“Ndza tshemba wa swi tiva leswaku vanhu va tshama va ri karhi va kanetana hi mhaka ya ku susiwa ka makhwiri. Hi ku vona ka wena, xana Bibele yi nga va pfuna vanhu leswaku va tiva leswi va faneleke va swi endla emhakeni leyi? [Yimela nhlamulo. Kutani u hlaya 2 Timotiya 3:16, 17.] Magazini lowu wu hlamusela leswi Bibele yi swi vulaka hi ku susiwa ka makhwiri.”