Leswi Hi Nga Swi Vulaka Loko Hi Fambisa Timagazini

Xihondzo Xo Rindza May 1

“Ku andza ka makhombo ya ntumbuluko masiku lawa swi endle leswaku van’wana va gimeta hileswaku Xikwembu xo hi xupula. Xana u ri yini hi mhaka leyi? [Yimela nhlamulo. Kutani u hlaya 1 Yohane 4:8.] Xihloko lexi xi hlamusela leswaku Xikwembu a hi xona xi vangaka ku xaniseka loku vangiwaka hi timhangu ta ntumbuluko.” N’wi kombe xihloko lexi nga eka tluka 30.

Xalamuka! May

Hlaya Matewu 6:10. Kutani u vutisa: “Xana u tshama u tivutisa leswaku hi xihi xikongomelo xa Xikwembu hi misava? [Yimela nhlamulo.] Nkandziyiso lowu wu kombisa leswaku hi ku ya hi Bibele, ku sukela eku sunguleni Xikwembu a xi ri ni xikongomelo hi misava, naswona xikongomelo xexo a xi si cinca.” N’wi kombe xihloko lexi sungulaka eka tluka 10.

Xihondzo Xo Rindza June 1

“Yin’wana ya timhaka leti tivekaka ngopfu eBibeleni i mhaka ya Nowa ni Ndhambi. Xana wa tshemba leswaku hakunene Ndhambi yi ve kona? [Yimela nhlamulo.] Lexi tsakisaka hileswaku Yesu u vule leswaku yi ve kona hi xiviri. [Hlaya Luka 17:26, 27.] Magazini lowu wu nyika swivangelo leswi khorwisaka swa leswaku Ndhambi yi ve kona hi xiviri wu tlhela wu hlamusela tidyondzo ta nkoka leti hi nga ti dyondzaka eka yona.”

Xalamuka! June

“Ku kurisa vana a hi matlangwana, ngopfu-ngopfu loko n’wana a ri eka malembe ya kondlo-a-ndzi-dyi naswona miri wa yena wu ri karhi wu cinca swinene. Xana u ehleketa leswaku vatswari va nga wu kuma kwihi mpfuno wa xiviri? [Yimela nhlamulo. Kutani u hlaya Esaya 48:17, 18.] Magazini lowu wu ni swiringanyeto leswi nga pfunaka vatswari leswaku va tirhisa vutlhari ni ku twisisa loko va ri karhi va kurisa vana va vona.”