Branch Letter

Eka Vahuweleri Va Mfumo Lava Rhandzekaka:

Siku ra nhlengeletano yo hlawuleka yo sungula-sungula, hi ririmi ra mavoko ri ve hi Sonto, April 23, 2006 eHolweni ya Mfumo ya le Bethele. Vahuweleri lava nga twiki, vanhu lava tsakelaka ni lava va dyondzeke ririmi ra mavoko va tile va huma matlhelo hinkwawo ya Afrika Dzonga swin’we ni le Mozambhiki, Namibia ni le Swaziland, leswaku va ta seketela nhlengeletano leyi, leyi nga rivalekiki. Hinkwavo va tiphinile hi ku hlangana ni vamakwerhu lava humaka etindhawini leti to hambana-hambana.

Eka xiyimiso xa nimixo, a ku ri ni vanhu va 626. Ku karhi ku endliwa nhluvuko lowunene ensin’wini ya ririmi ra mavoko naswona se ku ni mavandlha manharhu ya ririmi ra mavoko ni mintlawa leyi tlulaka 40 leyi nga ehansi ka rhavi ra Afrika Dzonga.

Hi kume swiviko leswi rhurisaka mbilu mayelana ni nseketelo wa rirhandzu lowu kombiweke magidi ya vamakwerhu lava hlaseriweke hi xidzedze lexi nga hlasela Nsonga-nkulu wa Ribuwa ra United States hi 2005.—Yoh. 13:35.

Vamakwerhu vo tlula 8 000 lava tirhaka eka Tikomiti to Aka ta Xifundzha ta 60 va tirhise nkarhi wa vona, vutshila bya vona ni mali ya vona eka matshalatshala yo phalala. Va pfunete eku lunghiseni kumbe eku akiweni ka Tiholo ta Mfumo ta 86 ni tindlu ta 4 178. Ka ha ri ni ntirho wo tala lowu faneleke wu endliwa eka Tiholo tin’wana ta Mfumo ta 5 ni tindlu ta 722. Ku te vamakwerhu van’wana va huma etindhawini to hambana-hambana ta le United States va tela ku ta phalala. Ha wu tlangela ntirho wa vona wa rirhandzu!—1 Tes. 5:18.

Hi kombela leswaku mi hambeta mi khongelela vamakwerhu lava hinkwavo lava rhandzekaka—lava va weriweke hi mhangu ni lava va va phalalaka.—2 Kor. 1:11.

Vamakwenu,

Rhavi Ra Afrika Dzonga