Xana Mi Ta Endla Yini Hi Vutomi Bya N’wina?
1 Minkarhi yin’wana vana va vutisiwa leswi, “Xana u lava ku va yini loko u kurile?” Loko wa ha ri xifanyetana, xana a wu ta va u vule leswaku u lava ku va mudyondzisi? mutimi wa ndzilo? kumbe mulanguteri wa xifundzha? Kumbe loko wa ha ri xinhwanyetana, a wu ta va u vule leswaku u lava ku va n’wambhurhi? muongori? kumbe murhumiwa? Sweswi se u nga kula, u fanele u tivutisa xivutiso xin’wana lexi nge, ‘Xana ndzi ta endla yini hi vutomi bya mina?’ Xana se u swi lunghekerile ku endla xiboho?
2 Leswaku u kota ku endla xiboho lexinene ngopfu, nhlengeletano ya Yehovha yi humese DVD leyi nge Young People Ask—What Will I Do With My Life? Hi kombela u yi hlalela, kutani u anakanyisisa hi hinkwaswo leswi u swi voneke eka yona ku katsa ni drama, mimbulavurisano ni rungula leri engetelekeke. Leswi nga endzeni ka yona swi tsariwe laha ku nge “Main Menu” eka DVD.
3 Drama: Loko u ri karhi u hlalela drama ya kona, anakanya hi swivutiso leswi: (1) Xana leswi humeleleke Andre swi fana njhani ni leswi humeleleke Timotiya loyi ku vulavuriwaka ha yena eMatsalweni ya Vukreste ya Xigriki? (Mint. 16:1; 1 Tim. 4:8; 2 Tim. 1:5) (2) Xana Andre a a tshikileriwa njhani leswaku a va xitsutsumi lexi dumeke naswona a a kuceteriwa hi mani? (3) Xana i vamani lava a va khutaza Timotiya na Andre leswinene, naswona a va va khutaza hi tindlela tihi? (2 Tim. 1:1-4; 3:14, 15) (4) Xana ndzayo leyi nga eka Matewu 6:24 na Vafilipiya 3:8 yi n’wi khumbe njhani Andre, naswona wena yi ku khumba njhani?
4 Selected Scenes, (Swivono Swo Karhi): Endzhaku ko hlalela drama hinkwayo, tlhela u hlalela swivono leswi landzelaka kutani u hlamula ni swivutiso leswi. Eka xivono lexi nge “Paul and Timothy”: Hi xihi xikhutazo xo hetelela lexi Pawulo a khutazeke Timotiya ha xona? (2 Tim. 4:5) Eka lexi nge “Giving Jehovah Your Best”: Hi tihi tipakani ta wena ta swa moya? Eka lexi nge “Taking a Stand for Jehovah”: Wu kumeka kwihi ntsako wa xiviri? Eka lexi nge “Grandmother’s Advice”: I yini lexi hoxeke hi ku lava ku va nghwazi emisaveni ya Sathana? (Mat. 4:9) Eka lexi nge “No Regrets”: I yini leswi u faneleke u anakanyisisa ha swona leswi nga ku pfunaka leswaku u titwa u enerisekile evuton’wini?—Swiv. 10:22.
5 Interviews (Mimbulavurisano): Loko u heta ku hlalela xivono ha xin’we eka leswi landzelaka, hi swihi leswi u vonaka onge u nga swi endla leswaku u ta endlela Yehovha leswi nga ematimbeni ya wena? (1) “Dedication to Vain Pursuits or to God?” (1 Yoh. 2:17); (2) “Learning to Enjoy Your Ministry” (Ps. 27:14); na (3) “An Open Door to Service.”—Mat. 6:33.
6 Looking Back (Ku Anakanyisisa Hi Leswi Humeleleke eNkarhini Lowu Hundzeke): Xana u nga hlamula? (1) I yini leswi makwerhu wa xinuna ni wa xisati a va swi endla hi vutomi bya vona naswona ha yini? (2) Xana swi va fambele kahle hi ndlela yihi? (3) I yini lexi va endleke va cinca? (2 Kor. 5:15) (4) Xana leswi a va swi endla khale va swi sive hi mintirho yihi ya swa moya, naswona ha yini va vone leswaku a va nge swi koti ku swi endla haswimbirhi hi nkarhi wun’we? (5) Xana ku na leswi va tisolaka eka swona hikwalaho ka leswi va cinceke tipakani ta vona? (6) I yini leswi va nga swi vula leswi ku endlaka u ehleketa hi leswi u faneleke u swi endla hi vutomi bya wena?
7 Supplementary Interviews (Mimbulavurisano Yin’wana): Eka mimbulavurisano leyi, i yini leswi u swi dyondzeke leswi u nga swi tirhisaka leswaku u tikarhatela ku ya emahlweni u endla ntirho wa Yehovha? (1) Laha ku nge “The Value of Personal Study,” (2) “Alternative Witnessing,” (3) “Bethel Service,” (4) “Gilead Missionary Training” na (5) “Ministerial Training School.” Kambisisa swikombo leswi kumekaka laha ku nge “Index to Published Information on Related Subjects,” kutani u hlaya rungula leri engetelekeke malunghana ni leswi u swi tsakelaka ngopfu.
8 Kutani, xana se u xi endlile xiboho xa leswi u nga ta swi endla hi vutomi bya wena? Pawulo u khutaze Timotiya a ku: “Anakanyisisa hi swilo leswi; u dzika eka swona, leswaku ku ya emahlweni ka wena ku vonaka eka vanhu hinkwavo.” (1 Tim. 4:15) Hi ku khutaza leswaku u endla leswi fambisanaka ni leswi u swi tweke ni ku swi vona eka DVD leyi. Kombela Yehovha leswaku a ku pfuna u endla xiboho lexi nga ta ku pfuna leswaku u tiphina u tlhela u eneriseka evuton’wini sweswi ni ku va ni vumundzuku lebyi vuyerisaka ni lebyi tsakisaka.
[Bokisi leri nga eka tluka 4]
MAIN MENU
Play Drama
Scenes (swivono swa 11)
Interviews
Play All
Sections (swivono swinharhu)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Tirhisa laha ku nge Next ▶, ◀ Back, na Main Menu loko u lava ku ya eka xivono xo karhi.