Leswi Faneleke Swi Tsundzukiwa Malunghana Ni Xitsundzuxo

Vakulu va fanele va tsundzuka leswi landzelaka loko va lunghiselela Xitsundzuxo:

◼ Tiyisekani leswaku swifanekiselo a swi fambisiwi dyambu ri nga si pela.

◼ Ku fanele ku kumiwa xinkwa ni vhinyo swa muxaka lowu faneleke, swi tlhela swi lulamisiwa kahle.—Vona Xihondzo xo Rindza xa February 15, 2003, matl. 14-15.

◼ Tipuleti, tinghilazi, tafula ni lapi ro funengeta tafula swi fanele swi tisiwa eholweni swi tlhela swi vekiwa kahle ka ha ri ni nkarhi.

◼ Holo ya Mfumo kumbe ndhawu yin’wana leyi ku nga ta hlanganiwa eka yona yi fanele yi basisiwa kahle ka ha ri ni nkarhi.

◼ Varindzi ni lava nga ta fambisa swifanekiselo va fanele va hlawuriwa ka ha ri emahlweni va tlhela va leteriwa ntirho wa vona ni maendlelo lawa ku nga ta landzeriwa wona naswona va fanele va ambala hi ndlela leyi xiximekaka.

◼ Ku fanele ku endliwa malunghiselelo yo yisa swifanekiselo eka vatotiwa hinkwavo lava tsandzekaka ku ta hikwalaho ka mavabyi.

◼ Loko mavandlha yo hlayanyana ma ta tirhisa Holo yin’we ya Mfumo, ma fanele ma tirhisana kahle leswaku ku nga vi ni ku kwetlembetana enyangweni, ehandle ni laha ku pakiwaka kona timovha.

◼ Loko ku ri leswaku mi ta tirhisa ndhawu yin’wana, tiyisekani leswaku ku ni mpfumawulo lowu ringaneke ni leswaku vayingiseri hinkwavo va ta kota ku twa xivulavuri.