Bokisi Ra Swivutiso

◼ U fanele u endla yini loko u lerisiwa leswaku u tshika ku chumayela?

Etindhawini tin’wana maphorisa ma byele vahuweleri lava a va ri eku chumayeleni leswaku va tlula nawu naswona va fanele va tshika ku chumayela. Loko u komberiwa ku suka ensin’wini yo karhi, u nga ha dyi nkarhi, namba u ti fambela. (Mat. 5:41; Filp. 4:5) U nga ringeti ku tlhantlha timhaka hi wexe hi ku vulavula hi timfanelo leti hi nga na tona. Loko swi koteka, hi vutlhari kopa nomboro leyi nga ekhadini ra phorisa swin’we ni nomboro ya xitichi lexi ri tirhelaka eka xona. Tivisa vakulu hi mhaka leyi, naswona vona va ta tivisa rhavi. U fanele u endla leswi fanaka loko u komberiwa ku huma emuakweni wo karhi hi mulanguteri wa ndhawu yoleyo kumbe munhu un’wana loyi a tshamaka kwalaho, huma hi ku hatlisa naswona u tivisa vakulu. Ku va la rhuleke ni ku titsongahata loko u tirhisana ni vanhu lava nga ni vulawuri swi nga hunguta swiphiqo swo tala.—Swiv. 15:1; Rhom. 12:18.